ପଞ୍ଚମ ଥର ପାଇଁ ସରକାର ଗଢ଼ିବାକୁ ଯାଉଛି ବିଜେଡି । ଏଥିପାଇଁ ଚାଲିଛି ଜୋରଦାର ପ୍ରସ୍ତୁତି । ଏହି ସମାରୋହରେ ଯୋଗଦେବେ ବହୁ ରଥି ମହାରଥି । ତେବେ ଶପଥ ସମାରୋହରେ ଯୋଗ ଦେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନିମନ୍ତ୍ରଣ କରିଛନ୍ତି କେବଳ ମୋଦିଙ୍କୁ ନୁହେଁ ଧର୍ମେନ୍ଦ୍ର ପ୍ରଧାନଙ୍କୁ ମଧ୍ୟ ନିମନ୍ତ୍ରଣ କରାଯାଇଛି । ଆସନ୍ତା ମେ ୨୯ ସକାଳ ସାଢ଼େ ୧୦ଟାରେ ନବୀନ ପଟ୍ଟନାୟକ ମୁଖ୍ୟମନ୍ତ୍ରୀଭାବେ ଶପଥ ଗ୍ରହଣ କରିବେ । ଖାଲି ଏତିକି ନୁହେଁ ସମାରୋହରେ ରାଜ୍ୟ ସମସ୍ତ ନବ ନିର୍ବାଚିତ ସାଂସଦ ଓ ବିଧାୟକଙ୍କୁ ମଧ୍ୟ ନିମନ୍ତ୍ରଣ କରାଯାଇଛି । ଏହା ସହିତ ସବୁ ଦଳର ବରିଷ୍ଠ ନେତା ମହିଳା, ଚାଷୀ ଓ କେନ୍ଦୁପତ୍ର ତୋଳାଳୀ ସଙ୍ଗଠନକୁ ଡକାଯାଇଛି । ଅନ୍ୟପଟେ ପ୍ରଦର୍ଶନୀ ପଡ଼ିଆର ସୁରକ୍ଷାକୁ କଡ଼ାକଡ଼ି କରାଯାଇଛି । ପଡ଼ିଆ ସମ୍ପୂର୍ଣ୍ଣ ସିସିଟିଭି କ୍ୟାମେରା ନଜରରେ ରହିଛି । ଭିଭିଆଇପି, ଭିଆଇପି ଓ ନେତାଙ୍କ ପ୍ରବେଶ ପାଇଁ ୫ଟି ପ୍ରବେଶ ପଥ କରାଯାଇଥିବା ସୂଚନା ମିଳିଛି ।
