ଆନନ୍ଦପୁର -ଭଦ୍ରକ ରାସ୍ତାର ଚାରିନାଳିଆ ଛକ ଠାରେ ବାଇକ୍ ଆରୋହୀ ବାପ ପୁଅଙ୍କୁ ଏକ ଅଜଣା ଗାଡି ଧକ୍କା ଦେବାରୁ ବାପାର ମୃତ୍ୟୁ ଘଟିଥିବାବେଳେ ୬ବର୍ଷର ପୁଅ ଗୁରୁତର ଆହତ ହୋଇ ଆନନ୍ଦପୁର ଡାକ୍ତରଖାନାରେ ଭର୍ତ୍ତି ହୋଇଛି । ମିଳିଥିବା ସୂଚନା ଅନୁସାରେ ରାମଚନ୍ଦ୍ରପୁର ଥାନା ନୁଆଗଡ ଗାଁ ର ଶିକ୍ଷକ ଗୈତମ ଦେହୁରୀ ନିଜ ୬ ବର୍ଷର ପୁଅକୁ ସାଙ୍ଗରେ ଧରି ଭଦ୍ରକ ବାରିକପୁର ଅଞ୍ଚଳରେ ଥିବା ଶଶୁର ଘରକୁ ଯାଉଥିଲେ । ସ୍ତ୍ରୀ ଓ ସାନ ପୁଅକୁ ଆଣିବା ପାଇଁ ବାଇକ ଯୋଗେ ଯାଉତିବା ବେଳେ ଚାରିନାଳିଆ ଛକ ନିକଟରେ ପଛପଟୁ କୈଣସି ଏକ ଗାଡି ଧକ୍କା ଦେବାରୁ ଉଭୟେ ଗୁରୁତର ହୋଇଥିଲେ । ସ୍ଥାନୀୟ ଲୋକେ ବାପ ପୁଅଙ୍କୁ ଆମ୍ବୁଲାନ୍ସ ଯୋଗେ ଆନନ୍ଦପୁର ଡାକ୍ତରଖାନା ପଠାଇଥିଲେ । ମାତ୍ର ସେଠାରେ ଗୌତମଙ୍କୁ ଡାକ୍ତର ମୃତ ଘୋଷଣା କରିଥିଲେ । ଗୁରୁତର ଶିଶୁପୁତ୍ରର ଚିକିତ୍ସା ଚାଲିଛି । ଦୁର୍ଘଟଣାର ଖବରପାଇ ପୋଲିସ୍ ତଦନ୍ତ ଆରମ୍ଭ କରିଥିଲେ ମଧ୍ୟ ଦୃର୍ଘଟଣା ଘଟାଇଥିବା ଗାଡିର କୈଣସି ସଂନ୍ଧାନ ମିଳିପାରି ନାହିଁ।
