ସାହାରା ଜନମଞ୍ଚ ପକ୍ଷରୁ କୁଆଖାଇରେ ବୋଇତ ବନ୍ଦାଣ ଉତ୍ସବ ଅନୁଷ୍ଠିତ ହୋଇଯାଇଛି | ଏହି ଅବସରରେ ରାଜ୍ୟସଭା ସାଂସଦ ରଘୁନାଥ ମହାପାତ୍ର, ମୁଖ୍ୟଅତିଥି ଭାବେ ସାଂସଦ ଅପରାଜିତା ଷଡ଼ଙ୍ଗୀ, ମୁଖ୍ୟବକ୍ତା ଭାବେ ବିଜେପି ନେତା ଗୋଲକ ମହାପାତ୍ର, ଟ୍ରାଫିକ ଡିସିପି ସାଗରିକା ନାଥ ଏବଂ ଓଡିଶା ପାଲା ଟ୍ରଷ୍ଟର ଅଧକ୍ଷ ସୁରେନ୍ଦ୍ରନାଥ ଛୋଟରାୟ ପ୍ରମୁଖ ଯୋଗ ଦେଇଥିଲେ | ଜ୍ଞାନାନନ୍ଦ ସାଗର କୁମାର ଅତିଥି ପରିଚୟ ପ୍ରଦାନ କରିଥିବା ବେଳେ, ସମ୍ପାଦକ ଏକାଦଶୀ ବେହେରା ବିବରଣୀ ପାଠ, କମଳେଶ ମହାରଣା ମଂଚ ସଂଯୋଜନା କରିଥିବା ବେଳେ ସଭାପତି ସହଦେଵ ତରାଇ ଧନ୍ୟବାଦ ଅର୍ପଣ କରିଥିଲେ | ପୂର୍ବତନ କର୍ପୋରେଟର ସୁକୁମାର ସାହୁ, ସଂଗଠନ ନିଲୁ ଖୁଣ୍ଟିଆ, ବିନୋଦ ସାହୁ ପ୍ରମୁଖ ସହଯୋଗ କରିଥିଲେ | ଏହି ଅବସରରେ ଡିସିପି ସାଗରିକ ନାଥଙ୍କୁ କର୍ମବୀର ସମ୍ମାନ, ଅପରାଜିତା ଷଡଙ୍ଗୀଙ୍କୁ ଓଡ଼ିଆ ସାଧବ ବୋହୁ, ସୁଦର୍ଶନ ମହାପାତ୍ରଙ୍କୁ ଗାୟକ ପ୍ରଜ୍ଞାନ ବାରିଧି, ଶିଶିର କୁମାର ଦାସ ଗାଁ ସଂସ୍କୃତି ସମ୍ମାନ, ଈଶ୍ୱର ଚନ୍ଦ୍ର ବାରିକ ଙ୍କୁ ଉତ୍କଳ ଗୁରୁରତ୍ନ ସମ୍ମାନ, ପ୍ରଦୀପ କୁମାର ସେନଙ୍କୁ ଉତ୍କଳ ଶିଳାରତ୍ନ ସମ୍ମାନରେ ସମ୍ମାନିତ କରାଯାଇଥିଲା | ଏହି ଅବସରରେ ସଂସ୍କୃତି ବିଭାଗ ପକ୍ଷରୁ ଭଜନ ପରିବେଷଣ କରାଯାଇଥିଲା |
