ଏପ୍ରିଲ ୨ରେ ଓଡିଶା ଆସୁଛନ୍ତି ଉପରାଷ୍ଟ୍ରପତି ଭେଙ୍କୟା ନାଇଡୁ । ୨ ତାରିଖ ଦିନ ୧୧ଟା ୧୫ରେ ସେ ଭୁବନେଶ୍ୱର ବିମାନବନ୍ଦରରେ ପହଁଞ୍ଚିବେ । ସେହିଦିନ ସଂଧ୍ୟାରେ କଟକ ଶାରଳା ଭବନରେ ଆଦିକବି ଶାରଳା ଦାଶଙ୍କ ୬୦୦ ତମ ଜୟନ୍ତୀ ଉତ୍ସବରେ ଯୋଗଦେବେ । ଏପ୍ରିଲ ୩ରେ ଉତ୍କଳ ବିଶ୍ୱବିଦ୍ୟାଳୟର ସମାବର୍ତ୍ତନ ଉତ୍ସବରେ ଉପରାଷ୍ଟ୍ରପତି ଯୋଗଦେବାର କାର୍ଯ୍ୟକ୍ରମ ରହିଛି । ୩ ତାରିଖ ସଂଧ୍ୟା ୫ଟାରୁ ଉପରାଷ୍ଟ୍ରପତି ଦିଲ୍ଲୀ ଫେରିବେ । ଉପରାଷ୍ଟ୍ରପତିଙ୍କ ଗସ୍ତ ଲାଗି ଉତ୍ସବ ଆୟୋଜନ ସ୍ଥଳରେ ଜୋରଦାର ପ୍ରସ୍ତୁତି ଜାରି ରହିଛି ।
