ପାକିସ୍ତାନ କ୍ରିକେଟ ଦଳର ଦ୍ରୁତ ବୋଲର ହସନ ଅଲୀ । ତାଙ୍କ ବୋଲିଂର ମାୟା ଜାଲରେ ବ୍ୟାଟ୍ସମ୍ୟାନ ମାନଙ୍କୁ ଛନ୍ଦି ପକାନ୍ତି । କେଉଁ ବ୍ୟାଟ୍ସମ୍ୟାନଙ୍କୁ ଏଲବି ତ ଆଉ କେଉଁ ବ୍ୟାଟ୍ସମ୍ୟାନକୁ କ୍ୟାଚ ଆଉଟ କରାଇ ପ୍ୟାଭିଲିଅନ ଫେରାଇ ଦିଅନ୍ତି । କିନ୍ତୁ ହାସନ ଅଲୀ ଜଣେ ଭାରତୀୟ ତରୁଣୀଙ୍କ ପ୍ରେମରେ କ୍ଲିନ୍ ବୋଲ୍ଡ ହୋଇଯାଇଛନ୍ତି । ହରିୟାଣାର ଝିଅ ଶାମିୟା ଆରଜୁଙ୍କୁ ପାକିସ୍ତାନ କ୍ରିକେଟର ହସନ ଅଲୀ ବିବାହ କରିବାକୁ ଯାଉଛନ୍ତି ।
ଅଗଷ୍ଟ ୨୦ରେ ଦୁବାଇରେ ଦୁହିଁଙ୍କ ନିର୍ବନ୍ଧ ହେବ ବୋଲି ଜଣାପଡିଛି । ହରିୟାଣା ଝିଅ ଶାମିୟା ଆରଜୁ ଏୟାର ଏମିନେଟର ଫ୍ଲାଇଟ୍ ଇଞ୍ଜିନିୟର ଭାବେ କାର୍ଯ୍ୟରତ ଅଛନ୍ତି । ହସନ ଅଲୀ ଏବଂ ଶାମିଆଙ୍କ ନିର୍ବନ୍ଧ ଦୁବାଇର ଆଟଲାଣ୍ଟିସ୍ ନିକଟ ଜୁବେରା ହୋଟେଲରେ ଅନୁଷ୍ଠିତ ହେବ । ଝିଅ ଶାମିଆଙ୍କ ବିବାହକୁ ନେଇ ବାପା ଲିୟାକତ ଅଲୀ କହିଛନ୍ତି ଯେ ଝିଅର ବିବାହ କରିବାର ଅଛି ,ଭାରତ ହେଉ କିମ୍ବା ପାକିସ୍ତାନ ଏଥିରେ ଫରକ ନାହିଁ । ଏଠାରେ ସୂଚନାଯୋଗ୍ୟ ଭାରତୀୟ ଟେନିସ୍ ତାରକା ସାନିଆ ମିର୍ଜା ପାକିସ୍ତାନ କ୍ରିକେଟ ତାରକା ସୋଏବ ମଲିକଙ୍କୁ ବିବାହ କରିଥିଲେ । ଯାହା ସେହି ସମୟରେ ଏକ ଚର୍ଚ୍ଚିତ ଖବର ହୋଇଥିଲା । ସାନିଆ ଓ ସୋଏବଙ୍କ ବିବାହ ପରେ ଗଣମାଧ୍ୟମ ଏବଂ ସୋଶିଆଲ ମିଡିଆରେ ଭାରତ ଝିଅ ପାକିସ୍ତାନୀ ବହୁ ଶିର୍ଷକ ଶିରୋନାମା ମଣ୍ଡିତ କରିଥିଲା । ବର୍ତ୍ତମାନ ହସନ ଏବଂ ଶାମିୟାଙ୍କ ନିର୍ବନ୍ଧ ହେବାପରେ ଭାରତ ଝିଅ ପାକିସ୍ତାନୀ ବହୂ ପାର୍ଟ-୨ କୁ ନେଇ ଚର୍ଚ୍ଚା ଯୋର ଧରିଲାଣି ।
