୨୮ରୁ ଓସିଏର ଖେଳାଳି ଚୟନ

ଜୁଲାଇ ୨୮ରୁ ଓସିଏ ରଣଜୀ ପାଇଁ ଚୟନ ପ୍ରକ୍ରିୟା ଆରମ୍ଭ କରିବ । ପ୍ରଥମ ପର୍ଯ୍ୟାୟରେ ରଣଜୀ ଦଳ ପାଇଁ ହେଉଥିବା ଚୟନ ପ୍ରକ୍ରିୟାରେ ୧୪୦ ଜଣ ଖେଳାଳି ଭାଗ ନେବେ । ଏମାନଙ୍କ ମଧ୍ୟରୁ ରାଜ୍ୟ ପାଇଁ ୧୦୦ ଜଣ ଖେଳି ଥିବା ବେଳେ କଳାହାଣ୍ଡି କପ୍ ପାଇଁ ୪୦ ଜଣ ଖେଳିଛନ୍ତି । ୧୪୦ ଜଣ ଖେଳାଳିଙ୍କ ଚୟନ ପ୍ରକ୍ରିୟା ଭିତରେ ବିଭିନ୍ନ ସ୍ଥାନରେ ଅଭ୍ୟାସ ମ୍ୟାଚ ରଖାଯାଇଛି । ବର୍ଷା ହେଲେ ଇଣ୍ଡୋର ଷ୍ଟାଡିଅମରେ ପ୍ରଶିକ୍ଷଣ ଦିଆଯିବ ବୋଲି ଓସିଏ ପରିଚାଳନା କମିଟି ବୈଠକରେ ନିଷ୍ପତ୍ତି ନିଆଯାଇଛି ।  ୧୯ ବର୍ଷରୁ କମ୍ ବୟସ ଖେଳାଳି ଚୟନ ପାଇଁ ପ୍ରତି ଜିଲ୍ଲାରୁ ୪ ଜଣ ଖେଳାଳିଙ୍କୁ ମନୋନୀତ କରାଯାଇଥିବା ବେଳେ କଟକ ଓ ଭୁବନେଶ୍ୱରରୁ ୮ ଜଣ ଲେଖାଏ ଖେଳାଳିଙ୍କୁ ଏଥିପାଇଁ ମନୋନୀତ କରାଯାଇଛି ।