ଭୁବନେଶ୍ୱର :ଆଜିଠାରୁ ଆରମ୍ଭ ହୋଇଛି ବଜେଟ ଅଧିବେଶନର ଦ୍ୱିତୀୟ ପର୍ଯ୍ୟାୟ I ଏହି ଅଧିବେଶନ ମାର୍ଚ୍ଚ 11 ତାରିଖରୁ ଏପ୍ରିଲ9 ତାରିଖ ପର୍ଯ୍ୟନ୍ତ ଚାଲିବ I ଆଜି ବିଧାନସଭା ଆରମ୍ଭରୁ ଗୃହରେ ଦେଖାଦେଇଥିଲା ହଟ୍ଟଗୋଳ I ବିଧାନସଭାରେ ପ୍ରଥମେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଦିବଗଂତ ବିଧାୟକ ମାନଙ୍କ ଉଦ୍ଦେଶ୍ୟରେ ଶୋକ ପ୍ରସ୍ତାବ ଆଗତ କରିଥିଲେ I 3 ପୂର୍ବତନ ବିଧାୟକଙ୍କ ପରଲୋକରେ ଗୃହରେ 1ମିନିଟ ନିରବ ପ୍ରାର୍ଥନା କରାଯାଇଥିଲା I ଏବଂ ଏହାପରେ ଦେଖାଦେଇଥିଲା ଗୃହରେ ତାତି I ୟେସ ବ୍ୟାଙ୍କରେ ମହାପ୍ରଭୁଙ୍କ 545କୋଟି ଟଙ୍କା ରଖିବା ପ୍ରସଙ୍ଗକୁ ନେଇ ଗୃହରେ ହଟ୍ଟଗୋଳ କରିଥିଲେ ବିରୋଧୀ I ମୂଖ୍ୟତଃ କଂଗ୍ରେସ ବିଧାୟକମାନେ ଜଗା ଟଙ୍କାକୁ ଘରୋଇ ବ୍ୟାଙ୍କରେ ରଖାଯିବାକୁ ନେଇ କରିଥିଲେ ହଙ୍ଗାମା I ଏହି ହୋହାଲ୍ଲାକୁ ଦେଖି ବାଚସ୍ପତି ଗୃହକୁ 12:30 ଯାଏଁ ମୁଲତବୀ ଘୋଷଣା କରିଛନ୍ତି I
