କେନ୍ଦ୍ରାପଡା ସଦର ଥାନାରେ ପୋଲିସର ଏନକାଉଣ୍ଟର. ଏନକାଉଣ୍ଟର ଫଳରେ ଗୁରୁତର ହୋଇଛି ଦୁର୍ଦ୍ଦାନ୍ତ ଅପରାଧି ଗଣେଶ ମଲ୍ଲିକ. ଗଣେଶର ଡାହାଣ ଗୋଡରେ ଗୁଳି ବାଜିଥିଲା. ପ୍ରଥମେ ତାକୁ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା. ମାତ୍ର ଅବସ୍ଥା ଗୁରୁତର ହେବାରୁ ପରେ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଥିଲା. କେନ୍ଦ୍ରାପଡା ଥାନା ବ୍ୟତୀତ ଗଣେଶ ନାଁରେ ବିଭିନ୍ନ ଥାନାରେ 40ରୁ ଅଧିକ ମାମଲା ରହିଛି. ବାରମ୍ବାର ଚେଷ୍ଟା ସତ୍ତ୍ୱେ ମଧ୍ୟ ପୋଲିସକୁ ଚକମା ଦେଇ ଫେରାର ହୋଇଯାଇଥିଲା ଗଣେଶ. ମାତ୍ର ଗତକାଲି ସେ ନିଜ ଗାଁ ହାଲପୁରକୁ ସରସ୍ୱତୀ ମେଲଣ ପାଇଁ ଆସିଥିଲା. ଯାହାର ଖବର ପୋଲିସ ପାଖରେ ପହଞ୍ଚିଥିଲା. ପରେ ପୋଲିସ ପହଞ୍ଚି ତାକୁ ଧରିବାକୁ ଉଦ୍ୟମ କରିଥିଲା. ମାତ୍ର ସବୁଥର ଭଳି ଏଥର ମଧ୍ୟ ସେ ଖସିଯିବାକୁ ଚେଷ୍ଟା କରିଥିଲା. ହେଲେ ସଫଳ ହୋଇପାରିନଥିଲା. ଶେଷରେ ପୋଲିସ ଏନକାଉଣ୍ଟର କରିଥିଲା. ତେବେ ଗଣେଶ ନିକଟରୁ ଗୋଟିଏ ବନ୍ଧୁକ ଓ ଛଅଟି ଗୁଳି ଜବତ କରିଥିବା ସୂଚନା ଦେଇଛି ପୋଲିସ.
