ଦିନ ଗଡୁଛି ରାଜନୀତି ବଢୁଛି । ପଦ୍ମପୁର ଉପନିର୍ବାଚନ ପାଇଁ ୩ରେ ସରୁଛି ପ୍ରଚାର । ଏନେଇ ବିଭିନ୍ନ ଦଳର ନେତାଙ୍କ ପ୍ରଚାରରେ କମ୍ପୁଛି ମଇଦାନ । ଅନ୍ୟପଟେ ଆଜି ପଦ୍ମପୁରରେ ପଦ୍ମ ଧରିଛନ୍ତି କଂଗ୍ରେସର ପୂର୍ବତନ ସାଂସଦ ସଞ୍ଜୟ ଭୋଇ । ସେ ଆଜି ବିଧିବଧ ଭାବରେ ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି । ଏଥିପାଇଁ ପଦ୍ମପୁରରେ ବିଜେପି ପକ୍ଷରୁ ଏକ ସ୍ୱତନ୍ତ୍ର କାର୍ଯ୍ୟକ୍ରମ କରାଯାଇଥିଲା । ରାଜ୍ୟ ବିଜେପି ସଭାପତି ସମୀର ମହାନ୍ତିଙ୍କ ସମେତ ସାଂସଦ ସୁରେଶ ପୂଜାରୀ, ବିରୋଧୀ ଦଳ ନେତା ଜୟନାରାୟଣ ମିଶ୍ର ପ୍ରମୁଖ ଉପସ୍ଥିତ ଥିଲେ ।
