ଜଣେ ମୃତ, 25 ରୁ ଅଧିକ ଆହତ

ରାୟଗଡା ଜିଲ୍ଲା ଶେଷଖାଲ ଥାନା ଅନ୍ତର୍ଗତ ପିପଲଗୁଡା ଘାଟି ନିକଟରେ ଏକ ମର୍ମନ୍ତୁଦ ବସ ଦୁର୍ଘଟଣା.  ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ 25ରୁ ଅଧିକ ଲୋକ ଆହତ ହୋଇଛନ୍ତି. ସେମାନଙ୍କ ମଧ୍ୟରୁ 4 ଜଣଙ୍କ ଅବସ୍ଥା ସଂଙ୍କଟାପନ୍ନ ରହିଛି. ମୃତକଙ୍କ ନାଁ ପାଇକ ମାଣ୍ଡାଙ୍ଗି ବୋଲି ଜଣାପଡିଛି. ସୂଚନା ଅନୁସାରେ, ଗତକାଲି ପିପଲଗୁଡା ଗାଁର ପ୍ରାୟ 40 ରୁ ଅଧିକ ଲୋକ ଏକ ବାହାଘର ଭୋଜି ପାଇଁ ବସ ଭଡା କରି ବାହାରିଥିଲେ. ସନ୍ଧ୍ୟାରେ ଫେରିବା ସମୟରେ ବସଟି ପିପଲଗୁଡା ଘାଟି ନିକଟରେ ଭାରସାମ୍ୟ ହରାଇ ରାସ୍ତା ତଳକୁ ଓଲଟି ପଡିଥିଲା. ବର୍ତ୍ତମାନ ଆହତଙ୍କୁ ଚିକିତ୍ସା ପାଇଁ ବ୍ରହ୍ମପୁର ଓ କୋରାପୁଟ ହସ୍ପିଟାଲକୁ ସ୍ଥାନାନ୍ତର କରାଯାଇଛି.