ଭିଣୋଇ ଚୋଟରେ ମୃତ୍ୟୁ ହୋଇଛି ଶଳାର. ଏଭଳି ଚାଞ୍ଚଲ୍ୟକର ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ସଦର ଥାନା ଅନ୍ତର୍ଗତ ବିଦ୍ୟାବନ୍ଧ ଗାଁରେ. ଗତକାଲି ରାତିରେ ଏହି ହତ୍ୟାକାଣ୍ଡ ହୋଇଥିବା ସୂଚନା ମିଳିଛି. ପତ୍ନୀର ଚରିତ୍ରକୁ ସନ୍ଦେହ କରି ଶ୍ୱଶୁର ଘରେ ଜ୍ୱାଇଁ ଖେଳାଇଛି ଆତଙ୍କ. ସ୍ତ୍ରୀକୁ ଆକ୍ରମଣ କରିବା ସହ ଶାଶୁକୁ ମଧ୍ୟ ଜ୍ୱାଇଁ ଆକ୍ରମଣ କରିଛି. ଅନ୍ୟପଟେ ସଂପର୍କୀୟ ଶଳାର ଯୌନାଙ୍ଗ କାଟିବା ସହ ତାକୁ କଟୁରୀରେ ବୀଭତ୍ସ ଭାବେ ହତ୍ୟା କରିଛି. ଏହି କାଣ୍ଡ ଘଟାଇବା ପରେ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଛି. ପୋଲିସ ପହଞ୍ଚି ଗୁରୁତରଙ୍କୁ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିବା ସହ ଘଟଣାସ୍ଥଳରୁ ହତ୍ୟା ବ୍ୟବହୃତ କଟୁରୀ ଜବତ କରିଛି କରି ତନାଘନା ଆରମ୍ଭ କରିଛି.
