ବିସ୍ଫୋରଣରେ ଉଡିଗଲା ପୋଲିସ ଥାନା । ପୁରୀ ଜିଲ୍ଲା ବଳଙ୍ଗା ଥାନାରେ ବିସ୍ଫୋରଣ ଘଟି ଥାନା ଛାରଖାର ହୋଇଯାଇଛି । ମାଲଖାନରେ ଥିବା ବିସ୍ଫୋରକ ଯୋଗୁ ଏଭଳି ଘଟଣା ଘଟିଥିବାର ଅନୁମାନ କରାଯାଉଛି । ବଳଙ୍ଗା ଥାନା ଦ୍ୱାରା ଯେଉଁ ସବୁ ବିସ୍ଫୋରକ ଜବତ କରି ମାଲଖାନାରେ ରଖାଯାଇଥିଲା। ତା କୌଣସି କାରଣବଶତଃ ବିସ୍ଫୋରଣ ହୋଇଥିଲା। ଥାନାର ଛାତ, କାନ୍ଥ ଭୁସୁଡି ପଡିବା ସହିତ ବାକି ଥିବା ଥାନାର କାନ୍ଥ ଏବେ ବିପଦ ସଙ୍କୁଳ ଅବସ୍ଥାରେ ରହିଛି । ଥାନା ଭିତରେ ଥିବା ଇଲୋକଟ୍ରୋନିକ୍ସ ସାମଗ୍ରୀ ମଧ୍ୟ ନଷ୍ଟ ହୋଇଯାଇଛି । ଗତକାଲି ବିଳମ୍ବିତ ରାତିରେ ଥାନା ଭିତରେ ଅଚାନକ ବିସ୍ଫୋରଣ ଶଦ୍ଦ ଶୁଣିବାକୁ ମିଳିଥିଲା । କେହି କିଛି ବୁଝିବା ଆଗରୁ ଗୋଟିଏ ପରେ ଗୋଟିଏ ବିସ୍ଫୋରଣ ଘଟି ଚାଲିଥିଲା । ସୌଭାଗ୍ୟବଶତଃ ନାର ସେଣ୍ଟ୍ରି ସରୋଜ ବେହେରା ସେଠୁ ବାହାରି ଆସିଥିଲେ । ପିପିଲି ଉପନିର୍ବାଚନ ପାଇଁ ଯାଇଥିବା ପୋଲିସ ଅଧିକାରୀ ବି ଥାନା ବାହାରେ ଥିଲେ । ତେଣୁ ଏକ ବଡ ଅଘଟଣକୁ ଏଡାଇ ଦିଆଯାଇଛି । ଘଟଣାସ୍ଥଳରେ ପୁରୀ ଏସପି ପହଁଞ୍ଚି ସ୍ଥିତି ଅନୁଧ୍ୟାନ କରିଛନ୍ତି । କିପରି ବିସ୍ଫୋରଣ ହେଲା ସେନେଇ ଖୋଳତାଡ ଚାଲିଛି ।
