ପୁଣି ଥରେ ହିଂସାତ୍ମକ ମୋଡ଼ ନେଇଛି ୟେମେନରେ ଦୀର୍ଘ ସମୟ ଧରି ଚାଲିଥିବା ସଂଘର୍ଷ । ଶୁକ୍ରବାର ସାଉଦି ନେତୃତ୍ୱାଧୀନ ଏକ ସାମରିକ ମେଣ୍ଟ ବିମାନ ଆକ୍ରମଣ ସହିତ ୟୁଏଇ-ସମର୍ଥିତ ଦକ୍ଷିଣ ଟ୍ରାଞ୍ଜିସନାଲ କାଉନସିଲ ଘାଟିକୁ ଟାର୍ଗେଟ କରିଥିଲାଏବଂ ଏହି ଆକ୍ରମଣରେ ୨୦ ଜଣ ବିଚ୍ଛିନ୍ନତାବାଦୀ ଲଢ଼ୁଆଙ୍କ ମୃତ୍ୟୁ ହୋଇଛି। ରିପୋର୍ଟ ଅନୁଯାୟୀ ବିମାନ ଆକ୍ରମଣ ହାଡ୍ରାମୌତ ପ୍ରଦେଶର ସେୟୁନ୍ ଏବଂ ଅଲ୍-ଖାଶା ଅଞ୍ଚଳରେ ସାମରିକ ଘାଟିକୁ ଟାର୍ଗେଟ କରିଥିଲା ଏବଂ ଏକ ବିମାନବନ୍ଦରକୁ ମଧ୍ୟ ଟାର୍ଗେଟ କରାଯାଇଥିଲା, ଏହା ଫଳରେ ସେହି ଅଞ୍ଚଳରେ ବିମାନ ଯାତାୟାତ ବନ୍ଦ୍ ହୋଇଯାଇଥିଲା।ଦକ୍ଷିଣ ଟ୍ରାଞ୍ଜିସନାଲ କାଉନସିଲ ସହିତ ଜଡିତ ଅଧିକାରୀମାନେ କହିଛନ୍ତି ଯେ ମୃତକମାନେ ଏହି ସାମରିକ ଘାଟିରେ ନିୟୋଜିତ ସେମାନଙ୍କର ଲଢ଼ୁଆ ଥିଲେ। ଏହି ବିମାନ ଆକ୍ରମଣ ପୂର୍ବରୁ ୟୁଏଇ ଘୋଷଣା କରିଥିଲା ଯେ ସେ ୟେମେନରୁ ତାର ଶେଷ ସାମରିକ ସୈନ୍ୟ ପ୍ରତ୍ୟାହାର କରିନେଇଛି। ଆବୁଧାବି ସ୍ପଷ୍ଟ କରିଥିଲା ଯେ ସେ ଏହି ଅଞ୍ଚଳରେ ଉତ୍ତେଜନା ହ୍ରାସ କରିବାକୁ ଚାହୁଁଛି। ମୁକାଲ୍ଲା ବନ୍ଦର ଉପରେ ଆକ୍ରମଣକୁ ନେଇ ବିବାଦ ସୃଷ୍ଟି ହୋଇଥିଲା, ୟୁଏଇ ଏହି ଅଭିଯୋଗଗୁଡ଼ିକୁ ଅସ୍ୱୀକାର କରିଛି । ଦକ୍ଷିଣ ଟ୍ରାନ୍ଜିସନାଲ କାଉନସିଲର ନେତାମାନେ ସାଉଦି-ସମର୍ଥିତ ବାହିନୀ ଉପରେ ବିଶ୍ୱାସ ଭାଙ୍ଗିବାର ଅଭିଯୋଗ କରିଛନ୍ତି। ସେମାନେ କହିଛନ୍ତି ଯେ ସେମାନେ ଶାନ୍ତିପୂର୍ଣ୍ଣ ଭାବରେ ସାମରିକ ଘାଟିଗୁଡ଼ିକୁ ନିୟନ୍ତ୍ରଣ କରିବାକୁ ପ୍ରତିଶ୍ରୁତି ଦେଇଥିଲେ, କିନ୍ତୁ ତା’ପରେ ତୁରନ୍ତ ବିମାନ ଆକ୍ରମଣ ଆରମ୍ଭ ହୋଇଥିଲା।ଏସଟିଏସର ଜଣେ ମୁଖପାତ୍ର ଏହାକୁ ବଞ୍ଚିବା ପାଇଁ ଏକ ଲଢ଼େଇ ଭାବରେ ବର୍ଣ୍ଣନା କରି କହିଛନ୍ତି ଯେ ସେମାନେ ଉଗ୍ରବାଦ ବିରୁଦ୍ଧରେ ଲଢ଼ୁଛନ୍ତି।ଏହି ସମୟରେ ହାଡ୍ରାମାଉଟ୍ ପ୍ରଦେଶରେ ସାଉଦି-ସମର୍ଥିତ ପ୍ରଶାସନ ଦାବି କରୁଛି ଯେ ଏହି ଅଭିଯାନ କୌଣସି ରାଜନୈତିକ କିମ୍ବା ସାମାଜିକ ଗୋଷ୍ଠୀ ବିରୁଦ୍ଧରେ ନିର୍ଦ୍ଦେଶିତ ନୁହେଁ ,ଏହା ସାମରିକ ଘାଟିଗୁଡ଼ିକୁ କବଜା କରିବା ପାଇଁ ଲକ୍ଷ୍ୟ ରଖାଯାଇଛି। ସାଉଦି ସାମରିକ ସୂତ୍ରଗୁଡ଼ିକ ଚେତାବନୀ ଦେଇଛନ୍ତି ଯେ ଯଦି ଏସଟିଏସ ତାର ଲଢ଼ୁଆମାନଙ୍କୁ ପ୍ରତ୍ୟାହାର ନ କରେ ତେବେ ଆକ୍ରମଣ ଅଗକୁ ଜାରି ରହିପାରେ।
