ସୁନ୍ଦରଗଡ଼ ଜିଲ୍ଲାର ରାଜଗାଙ୍ଗପୁରରେ ଏକ ସାତ ବର୍ଷର ଝିଅକୁ ଦୁଷ୍କର୍ମ କରିବା ପରେ ହତ୍ୟା କରି ମୃତଦେହଟିକୁ ଜଙ୍ଗଲରେ ଫୋପାଡ଼ି ଦେଇଛି ଦୁର୍ବୁତ୍ତ। ମୃତ ନାବାଳିକା ଝିଅଟି ଦ୍ୱିତୀୟ ଶ୍ରେଣୀର ଛାତ୍ରୀ ହୋଇଥିବା ବେଳେ ସେ ତାଙ୍କ ମାମୁଁଙ୍କ ଘରେ ରହୁଥିଲେ। ମାର୍ଚ୍ଚ ୯ ତାରିଖରେ ଘର ପାଖରେ ଝିଅଟି ଖେଳୁଥିବା ସମୟରେ ନିଖୋଜ ହୋଇଯାଇଥିଲା। ତାଙ୍କ ପରିବାର ବହୁତ ଖୋଜାଖୋଜି କରିଥିଲେ ମଧ୍ୟ ତାଙ୍କୁ ପାଇନଥିଲେ। ମାର୍ଚ୍ଚ ୧୦ ତାରିଖରେ ତାଙ୍କ ମାମୁଁ ରାଜଗାଙ୍ଗପୁର ଥାନାରେ ନିଖୋଜ ଅଭିଯୋଗ କରିଥିଲେ।ସୁନ୍ଦରଗଡ଼ ଏସ୍ପି ଅମୃତପାଲ କୌରଙ୍କ ତତ୍ତ୍ୱାବଧାନରେ ପୋଲିସର ଏକ ଟିମ ତଦନ୍ତ ଆରମ୍ଭ କରିଥିଲା। ତଦନ୍ତ ସମୟରେ, ୨୪ ବର୍ଷ ବୟସ୍କ ଜଣେ ଗ୍ରାମବାସୀ ମାଇକେଲ କିଣ୍ଡୋଙ୍କ ଉପରେ ସନ୍ଦେହ ହୋଇଥିଲା। ପୋଲିସ ତାଙ୍କୁ ସାମ୍ନା କରିବା ମାତ୍ରେ କିଣ୍ଡୋ ସେଠାରୁ ଖସିଯିବାକୁ ଚେଷ୍ଟା କରିଥିଲା, କିନ୍ତୁ ପୋଲିସ ଟିମ ତାକୁ ସେଠାରେ ଧରିଥିଲା। ପଚରାଉଚରା କରିବାରୁ ଜଣାପଡିଥିଲା ଯେ , ନାବାଳିକାକୁ ସେ ପ୍ରଲୋଭିତ କରି, ଦୁଷ୍କର୍ମ କରିବା ପରେ ଏବଂ ଗଳାକାଟି ହତ୍ୟା କରିବା କଥା ସ୍ୱୀକାର କରିଥିଲା। ପରେ ସେ ମୃତଦେହକୁ ଏକ ପଥର ଖଣି ଭିତରେ ଲୁଚାଇ ଦେଇଥିଲା। ମୃତଦେହକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଯାଇଛି ।
