300 ଟପିଲା ‘ଆମ ଗାଁ ଆମ ବିକାଶ’

ରାଜ୍ୟ ସରକାରଙ୍କ ଆମ ଗାଁ ଆମ ଗାଁ ବିକାଶ କାର୍ଯ୍ୟକ୍ରମ ରାଜ୍ୟର ପ୍ରାୟ 300 ବ୍ଲକ ଅତିକ୍ରମ କରି ଆଉ ଏକ ମାଇଲ ଖୁଣ୍ଟ ସ୍ଥାପନ କରିଛି. ବର୍ତ୍ତମାନସୁଦ୍ଧା 306ଟି ବ୍ଲକରେ ଏହା କାର୍ଯ୍ୟକାରୀ ହେଉଥିବା ବେଳେ ରାଜ୍ୟର 306ଟି ବ୍ଲକର 6623ଟି ଗ୍ରାମ ପଞ୍ଚାୟତରେ ପ୍ରାୟ 61,170ଟି ପ୍ରକଳ୍ପ ପାଇଁ ରାଜ୍ୟ ସରକାର 1514.87 କୋଟି ଟଙ୍କା ମଞ୍ଜୁର କରିଛନ୍ତି. ଏହାଛଡା 10ଟି ଜିଲ୍ଲାର 10ଟି ବ୍ଲକ ପାଇଁ 40.86 କୋଟି ଟଙ୍କାର ପ୍ରକଳ୍ପ ମଞ୍ଜୁର କରିଛନ୍ତି, ଯାହା ମଧ୍ୟରେ ବଲାଙ୍ଗୀର ଜିଲ୍ଲାର ଦେଓଗାଁ, ବାଲେଶ୍ୱର ଜିଲ୍ଲାର ସୋର, ନୟାଗଡ ଜିଲ୍ଲାର ଭାପୁର, ଦେବଗଡ ଜିଲ୍ଲାର ବରକୋଟ, ମୟୁରଭଞ୍ଜ ଜିଲ୍ଲାର କୁସୁମି, କୋରାପୁଟ ଜିଲ୍ଲାର ବନ୍ଧୁଗାଁ, ରାୟଗଡା ଜିଲ୍ଲାର କଲ୍ୟାଣସିଂପୁର ବ୍ଲକ, ଝାରସୁଗୁଡା ସଦର ବ୍ଲକ, କେନ୍ଦୁଝର ଜିଲ୍ଲାର ଯୋଡା ବ୍ଲକ ଓ ମାଲକାନଗିରି ଜିଲ୍ଲାର ପଡିଆ ବ୍ଲକ ସାମିଲ ରହିଛି.