ନାକରୁ ବାହାରିଲା ମୁଦି

ନାକରୁ ବାହାରିଲା ମୁଦି. ଶୁଣି ଆଶ୍ଚର୍ଯ୍ୟ ଲାଗୁଥିବ ନିଶ୍ଚୟ. ହେଲେ ପ୍ରକୃତରେ ୟୁ.କେରେ ଜଣେ ମହିଳାଙ୍କ ସହ ଏଭଳି କିଛି ଘଟିଛି. ସେ ଛିଙ୍କୁ ଛିଙ୍କୁ ତାଙ୍କ ନାକରୁ ମୁଦି ବାହାରିଛି. ଯାହାକୁ ଶୁଣିଲେ ଯେ କେହିବି ଆଶ୍ଚର୍ଯ୍ୟ ହୋଇ ରହିଯିବ. ତେବେ ସୂଚନା ଅନୁସାରେ, 12 ବର୍ଷ ପୂର୍ବେ ଅର୍ଥାତ, 2007 ମସିହାରେ ଅବିଗେଲ ଥମ୍ପସନ ନାମକ ଜଣେ ମହିଳାଙ୍କ ମା ତାଙ୍କୁ ଜନ୍ମଦିନରେ ମୁଦି ଉପହାର ସ୍ୱରୂପ ଦେଇଥିଲେ. କିଛିଦିନ ପରେ ସେ ତାକୁ ଘରେ ବହୁତ ଖୋଜାଖୋଜି କରିଥିଲେ. ମାତ୍ର ତାକୁ ପାଇନଥିଲେ. ସେ ଭାବୁଥିଲେ ତାଙ୍କ ବନ୍ଧୁ ମାନଙ୍କ ମଧ୍ୟରୁ ହୁଏତ କିଏ ମୁଦି ଚୋରି କରି ନେଇଥିବ. ମାତ୍ର ସେପରି ହୋଇନଥିଲା, ବରଂ ପରେ ତାଙ୍କ ନାକରେ ଚକ୍ ଚକ୍ କରୁଥିବା ଭଳି କିଛି ଦୃଶ୍ୟ ହୋଇଥିଲା.  ପରେ ସେ ଯେତେବେଳେ ଛିଙ୍କିଥିଲେ, ତାଙ୍କ ନାକରୁ ସେହି ମୁଦି ବାହାରିଥିଲା. ଯାହାକୁ ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ.