ସାଧାରଣ ନିର୍ବାଚନ ପାଇଁ ସମସ୍ତ ରାଜନୈତିକ ଦଳ ସଜବାଜ ଆରମ୍ଭ କରିଥିବାବେଳେ ଆପ ମଧ୍ୟ ଆରମ୍ଭ କରିଛି ପ୍ରଚାର । ଓଡ଼ିଶା ଗସ୍ତରେ ଆସୁଥିବା ଆପ ନେତା ତଥା ଦିଲ୍ଲୀ ମୁଖ୍ୟମନ୍ତ୍ରୀ କେଜରିୱାଲ ଭୁବନେଶ୍ୱରରେ ପହଞ୍ଚିଛନ୍ତି । କେଜ୍ରିୱାଲଙ୍କୁ ଭୁବନେଶ୍ୱରରେ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜଣାଇ ସ୍ୱାଗତ କରାଯାଇଛି । ଦଳରେ କର୍ମୀଙ୍କ ମଧ୍ୟରେ ଉତ୍ସାହ ଆଣିବାକୁ ଗୁରୁବାର ଭୁବନେଶ୍ୱରରେ ଅନେକ କାର୍ଯ୍ୟକ୍ରମରେ ଯୋଗ ଦେବେ କେଜ୍ରିୱାଲ । ବିମାନ ବନ୍ଦରରେ ପହଞ୍ଚିବା ପରେ ଦଳୀୟ କର୍ମୀ ସ୍ଵାଗତ ସମ୍ବର୍ଦ୍ଧନା ଦେଇଛନ୍ତି। ସାମାଜିକ ନ୍ୟାୟ ଅଭିଯାନ ପକ୍ଷରୁ ଲୋୟର ପିଏମଜିରେ ଆୟୋଜିତ ହୋଇଥିବା ସାଧାରଣ ସଭାରେ ଶ୍ରୀ କେଜରିୱାଲ ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ସଂଧ୍ୟାରେ ବୁଦ୍ଧିଜୀବି ଓ ଆପର କର୍ମକର୍ତାଙ୍କ ସହ ସେ ଆଲୋଚନା କରିବେ । ଆଜିର ସାଧାରଣ ସଭାରେ କଂଗ୍ରେସରୁ ଅଳ୍ପଦିନ ପୂବର୍ରୁ ନିଲମ୍ବିତ ହୋଇଥିବା ପୂବର୍ତନ ସାଂସଦ ଶ୍ରୀକାନ୍ତ ଜେନା ଓ ପୂର୍ବତନ ବିଧାୟକ କୃଷ୍ଣ ସାଗରିଆ ଯୋଗ ଦେବାର କାର୍ଯ୍ୟକ୍ରମ ରହିଛି ବୋଲି ସୁଚନା ମିଳିଛି ।
