ମର୍ମନ୍ତୁଦ ସଡକ ଦୁର୍ଘଟଣା, ଜଣେ ମୃତ

ଢେଙ୍କାନାଳ ଜିଲ୍ଲା ଗନ୍ଦିଆ ବ୍ଲକ ଅନ୍ତର୍ଗତ ମନ୍ଦାର ଗାଁ ନିକଟରେ ଘଟିଛି ଏକ ମର୍ମନ୍ତୁଦ ସଡକ ଦୁର୍ଘଟଣା. ଭୁବନ ଢେଙ୍କାନାଳ ରାସ୍ତାରେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି. ଖବର ଅନୁସାରେ, ରବିବାର ପ୍ରାୟ ସକାଳ 6ଟା ସମୟରେ ଏକ ହାଇୱା ସହ ଏକ ପଲସର ମୁହାଁମୁହିଁ ହୋଇଥିଲା. ଫଳରେ ବାଇକରେ ଯାଉଥିବା ସୌମ୍ୟରଞ୍ଜନ ସାହୁଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ସହ ଯାଉଥିବା ବ୍ୟକ୍ତି ସଂଗ୍ରାମ କିଶୋର ପଣ୍ଡା ଆହତ ହୋଇଥିଲେ. ପୋଲିସ ବିଭାଗରେ କାର୍ଯ୍ୟ କରୁଥିବା ସୌମ୍ୟରଞ୍ଜନ ସାହୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମରେ ଯୋଗ ଦେବା ପାଇଁ ବାହାରିଥିଲେ. ଅଧା ବାଟରେ ଏଭଳି ଦୁର୍ଘଟଣା ହୋଇଥିଲା. ଫଳରେ ତାଙ୍କର ମୃତ୍ୟୁ ହୋଇଛି. ଏହାକୁ କେନ୍ଦ୍ର କରି ଗ୍ରାମବାସୀ କିଛି ସମୟ ପାଇଁ ରାସ୍ତା ଅବରୋଧ କରିଥିଲେ. ଆହତ ସଂଗ୍ରାମଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି.