ଭାରତୀୟ ବିଶ୍ୱକପ କ୍ରିିକେଟ୍ ଟିମରୁ ବିଜୟ ଶଙ୍କର ବାଦ୍ ପଡିଛନ୍ତି । ତେବେ ତାଙ୍କ ସ୍ଥାନରେ ମୟଙ୍କ ଅଗ୍ରୱାଲଙ୍କୁ ବିଶ୍ୱକପ ଟିମରେ ସ୍ଥାନ ମିଳିଛି । ରବିବାର ଇଂଲଣ୍ଡ ବିପକ୍ଷ ମ୍ୟାଚରେ ଆଘାତ ବିଜୟଙ୍କ ସ୍ଥାନରେ ରିଷଭ ପନ୍ତଙ୍କୁ ଦଳରେ ସାମିଲ କରାଯାଇଥିଲା । ଆଇସିସି କ୍ରିକେଟ୍ ବିଶ୍ୱକପ ୨୦୧୯ରେ ଟିମ୍ ଇଣ୍ଡିଆ ପାଇଁ ଅଡୁଆ ବଢିବାରେ ଲାଗିଛି । ପୂର୍ବରୁ ଶିଖର ଧାୱନ ଓ ଭୁବନେଶ୍ୱର କୁମାର ଆହତ ହୋଇ ବିଶ୍ୱକପରୁ ବାଦ ପଡିଥିଲେ । ତେବେ ଏବେ ବିଜୟ ଶଙ୍କର ଦଳରୁ ବାଦ ପଡିଛନ୍ତି । ନେଟ୍ସରେ ଅଭ୍ୟାସ କରୁଥିବା ସମୟରେ ବୁମରାଙ୍କ ବଲରେ ଆହତ ହୋଇଥିଲେ ବିଜୟ ଶଙ୍କର ବଲଟି ବିଜୟଙ୍କ ଆଙ୍ଗୁଳିରେ ଲାଗିଥିଲା । ତେବେ ଆଘାତ ପ୍ରଥମେ ବଡ ନଥିଲା କିନ୍ତୁ ବତ୍ତମାନ ସମସ୍ୟା ବଢ଼ିବାରୁ ତାଙ୍କୁ ବିଶ୍ୱକପରୁ ବିଦାୟ ନେବାକୁ ପଡୁଛି । ଏହି ବିଶ୍ୱକପ ମ୍ୟାଚରେ ବିଜୟ ଆଗକୁ ଖେଳିବାକୁ ସକ୍ଷମ ନଥିବାରୁ ସିବିଆଇର ଜଣେ ବଳିଷ୍ଟ ଅଧିକାରି କହିଛନ୍ତି । ତେବେ ବିଜୟଙ୍କ ସ୍ଥାନରେ ମୟଙ୍କ ଅଗ୍ରୱାଲଙ୍କୁ ଦଳରେ ସ୍ଥାନ ମିଳିଛି ।
