୨୦୧୯ ବିଶ୍ୱକପ୍ ର ସେମିଫାଇନାଲରେ ନ୍ୟୁଜିଲାଣ୍ଡ ପାଖରୁୁ ପରାସ୍ତ ହୋଇ ବିଦା ହେଲା ଚଳିତ ବିଶ୍ୱକପ୍ ର ପ୍ରମୁଖ ଦାବିଦାର କୁହାଯାଉଥିବା ଟିମ୍ ଇଣ୍ଡିଆ । ଯାହା ୧୩୩ କୋଟି ଭାରତୀୟଙ୍କ ଆଶାକୁ ଧୂଳିସାତ କରିଦେଇଥିଲା । କିନ୍ତୁ ୨୦୨୩ରେ ଖେଳାଯିବାକୁ ଥିବା ତ୍ରୟୋଦଶ ବିଶ୍ୱକପ୍ ରେ ଭାରତ ବିଶ୍ୱବିଜୟୀ ହୋଇପାରେ । ଭାରତ ପାଖରେ ବିିଶ୍ୱକପ୍ ବିଜୟର ସୁବର୍ଣ୍ଣ ସୁଯୋଗ ରହିଛି । କାରଣ ୨୦୧୧ ବିଶ୍ୱକପ୍ ପରି ଭାରତ ୨୦୨୩ରେ ବିଶ୍ୱକପ୍ ଆୟୋଜନ କରିବ । ୨୦୨୩ ଫେବୃଆରୀ ୯ରୁ ମାର୍ଚ୍ଚ ୨୬ ଯାଏ ଭାରତରେ ଆୟୋଜିତ ହେବ କ୍ରିକେଟ ମହାକୁମ୍ଭ । ଭାରତ ମଧ୍ୟ ୧୯୮୭,୧୯୯୬ ଓ ୨୦୧୧ରେ ସଫଳତାର ସହ ବିଶ୍ୱକପ୍ ଆୟୋଜନ କରିଛି କିନ୍ତୁ ଏହି ତିନୋଟି ବିଶ୍ୱକପ୍ ଭାରତ ଏସିଆ ମହାଦେଶର ଅନ୍ୟ ରାଷ୍ଟ୍ରମାନଙ୍କ ସହ ମିଶି ଆୟୋଜନ କରୁଥିଲା । ୨୦୨୩ରେ ଭାରତ ଏକାକୀ ବିଶ୍ୱକପ୍ ଆୟୋଜନ କରିବ ।
