ବିଦ୍ୟୁତ ଆଘାତରେ ଯୁବକର ମୃତ୍ୟୁ

ବିଦ୍ୟୁତ ଆଘାତରେ ଚାଲିଗଲା ଜଣେ ଯୁବକଙ୍କ ଜୀବନ | ବିଦ୍ୟୁତ ସରବରାହ ବିଛିନ୍ନ ଥିବାରୁ ସଜାଡିବାକୁ ଯାଇ ବିଦ୍ୟୁତ ଆଘାତର ଶିକାର ହୋଇଥିଲେ ଯୁବକ | ମୟୁରଭଞ୍ଜ ଜିଲ୍ଲା ଵାଙ୍ଗିରିପୋଷି ବ୍ଳକ ଦିଘି ପଂଚାୟତର ଦିଘି ଗାଁରେ ଘଟିଛି ଏହି ଅଘଟଣ | ମୃତକ ଅନିରୁଦ୍ଧ ବିଜୁଳି | 11କେଭି ବିଦ୍ୟୁତ ତାର ସଜାଡ଼ିବାକୁ ଯାଇ ଖୁଣ୍ଟି ଉପରେ ଚଡିଥିବା ବେଳେ ବିଦ୍ୟୁତ ଆଘାତ ଲାଗିଥିଲା | ଏନେଇ ଅଗ୍ନିଶମ ବିଭାଗକୁ ଖବର ଦେବା ପରେ ଅଗ୍ନିଶମ ବିଭାଗ ଘଟଣାସ୍ଥଳରେ ପହଁଚି ବାଙ୍ଗିରିପୋଷି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ | ମାତ୍ର କାର୍ଯ୍ୟରତ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ | ଅପରପକ୍ଷେ ପୋଲିସ ଖବର ପାଇ ଘଟଣା ସ୍ଥଳରେ ପହଁଚି ଏକ ମାମଲା ରୁଜୁ କରି ମୃତଦେହକୁ ଜବତ କରି ବ୍ୟବଛେଦ ପାଇଁ ପଠେଇ ତଦନ୍ତ ଆରମ୍ଭ କରିଛି | ସେପଟେ ସେହି ଗାଁରେ ବିଦ୍ୟୁତ ବିଭଗର ଚରମ ଅବହେଳା ଦେଖିବାକୁ ମିଳିଛି । ଗାଁର କିଛି ଘରେ ତିନିଦିନ ହେଲା ବିଜୁଳି ନ ଥିଲା ବେଳେ, ବାଉଁଶ ଖୁଣ୍ଟରେ ବିଦ୍ୟୁତ ତାର ଟଣା ଯିବାର ଦେଖା ଯାଇଛି | ତେବେ ବିଦ୍ୟୁତ ବିଭାଗର ଚରମ ଅବହେଳା ଯୋଗୁଁ ଯୁବକର ମୃତ୍ୟୁ ହୋଇଥିବାରୁ ସଂପୃକ୍ତ କର୍ମଚାରୀ ବିରୋଧରେ ଦୃଷ୍ଟାନ୍ତମୁଳକ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହିତ ମୃତକଙ୍କ ପରିବାରକୁ ଉପଯୁକ୍ତ କ୍ଷତିପୂରଣ ଯୋଗାଇ ଦେବାକୁ ସ୍ଥାନୀୟ ଜନସାଧାରଣ ଦାବି କରିଛନ୍ତି।
ମୟୁରଭଞ୍ଜ ଘାସିରାମ ବେହେରା