ପାଠ ପଢାଇଲେ ବିଧାୟକ, ଚକ ଖଡି ଓ ଡଷ୍ଟର ଧରି ଶ୍ରେଣୀ କଳାପଟାରେ ଗଣିତ ପଢାଇଲେ ବିଧାୟକ । ବାଲେଶ୍ୱର ଜିଲ୍ଲା ନିଳଗୀରି ନିର୍ବାଚନୀ ମଣ୍ଡଳୀର ବିଜେପି ବିଧାୟକ ସୁକାନ୍ତ କୁମାର ନାୟକଙ୍କୁ ନେଇ ଏବେ ସବୁଠି ଚର୍ଚ୍ଚା ଆଉ ପ୍ରଶଂସା । ସଜନାଗଡ ପଞ୍ଚାୟତ ତେଣ୍ଡା ସରକାରୀ କନ୍ୟାଶ୍ରମକୁ ସୁକାନ୍ତ ନାୟକ ପରିଦର୍ଶନରେ ଯାଇଥିଲେ । ଏହି ଅବସରରେ ନବମ ଓ ଦଶମ ଶ୍ରେଣୀର ଛାତ୍ରୀଙ୍କୁ ବିଧାୟକ ଗଣିତ ପଢାଇଥିଲେ । ଏହାସହ ଛାତ୍ରୀଙ୍କୁ ପଢାରେ ଧ୍ୟାନ ଦେଇ ଉଜ୍ୱଳ ଭବିଷ୍ୟତ ଗଢିବାକୁ ଉପଦେଶ ଦେଇଛନ୍ତି । ବିଧାୟକଙ୍କ ଏଭଳି କାମକୁ ଅଭିଭାବକ ଓ ସାଧାରଣ ଲୋକ ସ୍ୱାଗତ କରିଛନ୍ତି ।
