କରୋନା କାଳରେ ଆରମ୍ଭ ହୋଇଛି ଆଇପିଏଲ । ଆଜି ଆଇପିଏଲର ନବମ ମ୍ୟାଚ । କିଙ୍ଗସ ଇଲେଭେନ ପଞ୍ଜାବ ଓ ରାଜସ୍ଥାନ ରୟାଲ୍ସ ମଧ୍ୟରେ ଆଜି ହେବ ମହାଲଢେଇ । ଲୋକେସ ରାହୁଲଙ୍କ ନେତୃତ୍ୱାଧିନ କିଙ୍ଗସ ଏକାଦେଶ ପଞ୍ଜାବ ତା’ର ପ୍ରଥମ ମ୍ୟାଚରେ ପରାଜୟ ବରଣ କରିଥିଲା ଏବଂ ପରେ ଦ୍ୱିତୀୟ ମ୍ୟାଚକୁ ଜିତି ପଏଣ୍ଟ ଟେବୁଲରେ ଖାତା ଖୋଲବାରେ ସଫଳ ହୋଇଛି । ଅନ୍ୟପଟେ ଷ୍ଟିଭ ସ୍ମିତଙ୍କ ନେତୃତ୍ୱାଧୀନ ରାଜସ୍ଥାନ ରୟାଲ୍ସ ମଧ୍ୟ ତା’ର ବିଜୟ ଧାରାକୁ ବଜାୟ ରଖିବା ପାଇଁ ଆଜିର ମ୍ୟାଚରେ ଭଲ ପ୍ରଦର୍ଶନ କରିବ ବୋଲି ଖେଳପ୍ରେମୀଙ୍କ ମଧ୍ୟରେ ରହିଛି ଆଶା । ରାହୁଲଙ୍କ ନେତୃତ୍ୱାଧୀନ ପଞ୍ଜାବ ଦ୍ୱିତୀୟ ମ୍ୟାଚରେ ଶକ୍ତିଶାଳୀ ଚେନ୍ନାଇ ସୁପର କିଙ୍ଗସକୁ ପରାସ୍ତ କରି ଟିମ ତାର ବିଜୟ ଅଭିଯାନ ଆରମ୍ଭ କରିଛି । ସେହି ମ୍ୟାଚରେ ବିସ୍ପୋରକ ଦୁଇ ଓପନର ବ୍ୟାଟସମ୍ୟାନ ମୟଙ୍କ ଅଗ୍ରୱାଲ ଓ କ୍ୟାପଟେନ ଲୋକେଶ ରାହୁଲ ଚମତ୍କାର ପ୍ରଦର୍ଶନ କରିଥିଲେ । ସେହିପରି ଷ୍ଟିଭ ସ୍ମିତଙ୍କ ନେତୃତ୍ୱାଧୀନ ରାଜସ୍ଥାନ ରୟାଲ୍ସ ପ୍ରଥମ ମ୍ୟାଚକୁ ଜିତିଥିବା ବେଳେ ପୁଣିଥରେ ଆଜିର ମ୍ୟାଚକୁ ଜିତି ତା’ର ବିଜୟ ଅଭିଯାନକୁ ବଜାୟ ରଖିବା ପାଇଁ ଆଶା ରଖିଛି । ପୂର୍ବ ମ୍ୟାଚରେ ଯୁବ ବ୍ୟାଟସମ୍ୟାନ ସଞ୍ଜୁ ସାମସନ ଓ କ୍ୟାପଟେନ ସ୍ମିଥଙ୍କ ଅର୍ଧଶତକ ଟିମକୁ ବିଜୟ ଦେବାରେ ସହାୟକ ହୋଇଥିଲା । ରାଜସ୍ଥାନ ଟିମରେ ରାହୁଲ ତିୱାରି, ରବିନ ଉଥପ୍ପା ଭଳି ବିସ୍ଫୋରକ ବ୍ୟାଟମ୍ୟାନ ରହଛନ୍ତି ।
