କାଲି ପୋଲିସ ହାତରେ ଧରାପଡିଥିବା ଗୋବିନ୍ଦ ସବୁ ସତ ଉଗାଳିଛି । ମମିତା ମେହେରକୁ ସେ ହତ୍ୟା କରିଥିବା ପୋଲିସ ଆଗରେ ସ୍ବୀକାର କରିଛି । ଗତ 8 ତାରିଖରେ ସେ ମମିତାକୁ କାମ ଥିବା କହି ଘରୁ ଡକାଇଥିଲା । ଏବଂ ସେ ତା ଓ୍ବାଗନର କାରରେ ମମିତାକୁ ଆଣିବା ବାଟରେ ଦୁହିଁଙ୍କ ମଧ୍ୟରେ ବଚସା ହୋଇଥିଲା । ଏବଂ କାର୍ ଭିତରେ ହିଁ ମମିତାକୁ ଗୋବିନ୍ଦ ସାହୁ ହତ୍ୟା କରିଥିଲା । 8 ତାରିଖ ରାତିରେ ମମିତାକୁ ମହାଲିଙ୍ଗ ଷ୍ଟାଡିଅମ ପରିସରରେ ପୂର୍ବରୁ ଖୋଳାଯାଇଥିବା ଗାତ ଭିତରେ ପେଟ୍ରୋଲ ପକାଇ ନିଆଁ ଲଗାଇ ପୋଡିବା ସହ ଗାତ ପୋତି ଦେଇଥିଲା । 14 ତାରିଖରେ ପୋଲିସ ବ୍ୟବହୃତ ଓ୍ବାଗନର କାର୍ ଜବତ କରିଥିଲା । କାର୍ ଭିତରୁ ହିଁ ଗୋଟିଏ ପାଉଁଜି ଓ ପେଟ୍ରୋଲ ଜାର୍ ମିଳିଥିଲା ।
ମମିତା ମେହେରକୁ ହତ୍ୟା କରିଥିବା ଗୋବିନ୍ଦ ସାହୁକୁ ବଙ୍ଗୋମୁଣ୍ଡା ଏସଡିଜେଏମ କୋର୍ଟକୁ ଚାଲାଣ କରାଯାଇଛି ।
