ପୁଣି ଗଭୀର ବୋରଓ୍ୱେଲ ଭିତରକୁ ଖସି ପଡିଲା ଜଣେ ଆଠବର୍ଷର ଶିଶୁ । ମଧ୍ୟପ୍ରଦେଶ ବେତୁଲ ଜିଲ୍ଲାର ମାଣ୍ଡଭି ଗାଁରେ ଘଟିଛି ଏହି ଅଭାବନୀୟ ଘଟଣା । ଗତକାଲି ଅପରାହ୍ନରେ ପିଲାଟି ବୋରଓ୍ବେଲ ମଧ୍ୟକୁ ଖସିପଡିଥିଲା । ପିଲାଟି ବୋରଓ୍ବେଲ ଭିତରକୁ ଖସିପଡିଥିବା ଜଣାପଡିବା ପରେ ଜିଲ୍ଲାପାଳଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଆରମ୍ଭ ହୋଅଛି ଉଦ୍ଧାର କାର୍ଯ୍ୟ । ବୋରଓ୍ବେଲରୁ ଦୁଇ ପାର୍ଶ୍ବରେ ସମାନ୍ତରାଳ ଗାତ ଖୋଳାଚାଲିଛି । ବୋରଓ୍ବେଲ ଭିତରେ ଫସି ରହିଥିବା ଶିଶୁର ଗତିବିଧିକୁ କ୍ୟାମେରା ମାଧ୍ୟମରେ ନଜର ରଖାଯିବା ସହ ପାଇପ ଯୋଗେ ଅକ୍ସିଜେନ ଦିଆଯାଉଛି । ବୋରଓ୍ବେଲ ଭିତରେ ଫସି ରହିଥିବା ମାଣ୍ଡଭି ଗାଁର ୮ ବର୍ଷର ବାଳକ ତନ୍ମୟ ସାହୁ ପରିବାର ଉଦ୍ଧାର କାର୍ଯ୍ୟ ନେଇ ଚିନ୍ତାରେ ରହିଛନ୍ତି ।
ପୂର୍ବରୁ ଛତିଶଗଡରେ ଏହିଭଳି ଘଟଣା ଘଟିଥିଲା ଏବଂ 80 ଫୁଟ ବୋରଓ୍ବେଲ ଭିତରୁ ଦିବ୍ୟାଙ୍ଗ ବାଳକ ରାହୁଳକୁ ଶହେଘଣ୍ଟାର ଅପରେସନ ପରେ ଉଦ୍ଧାର କରାଯାଇଥିଲା ।
