ଆଉ ଦିନକ ପରେ ଓଡିଶାରେ ପ୍ରଥମ ପର୍ଯ୍ୟାୟ ଭୋଟଗ୍ରହଣ ହେବ । ପ୍ରଥମ ପର୍ଯ୍ୟାୟରେ କଳାହାଣ୍ଡି, ନବରଙ୍ଗପୁର, ବ୍ରହ୍ମପୁର ଓ କୋରାପୁଟ ଲୋକସଭା ଆସନ ଏବଂ ଏହା ଅନ୍ତର୍ଗତ 28ଟି ବିଧାନସଭା ଆସନରେ ଭୋଟ ଗ୍ରହଣ ଅନୁଷ୍ଠିତ ହେବ । ଚାରୋଟି ଲୋକସଭା ଆସନ ପାଇଁ 39 ଜଣ ପ୍ରାର୍ଥୀ ପ୍ରତିଦ୍ବନ୍ଦିତା କରୁଥିବା ବେଳେ 28ଟି ବିଧାନସଭା ଆସନରେ 266 ଜଣ ପ୍ରାର୍ଥୀ ନିର୍ବାଚନ ଲଢୁଛନ୍ତି । ଆଜି ସଂଧ୍ୟାରେ ଏହିସବୁ ନିର୍ବାଚନମଣ୍ଡଳୀରେ ପ୍ରଚାର ଶେଷ ହେବ । ପ୍ରଚାରର ଶେଷଦିନ ହୋଇଥିବାରୁ ସମସ୍ତ ଦଳ ଭୋଟରଙ୍କ ପାଖରେ ପହଞ୍ଚିବା ପାଇଁ ଆପ୍ରାଣ ଉଦ୍ୟମ କରୁଛନ୍ତି ।
ପ୍ରଥମ ପର୍ଯ୍ୟାୟ ମତଦାନ ପାଇଁ ସମସ୍ତ ପ୍ରସ୍ତୁତି ଶେଷ ହେଇଛି । ସମସ୍ତ ମତଦାନ କେନ୍ଦ୍ରରେ ସକାଳ ସାତଟାରୁ ଭୋଟଗ୍ରହଣ କରାଯିବ ।
