ନନ୍ଦନକାନନ ପ୍ରାଣୀ ଉଦ୍ୟାନରେ ଜନ୍ମ ନେଲେ ଦୁଇଟି ବାଘ । ଶନିବାର ସକାଳ 8ଟାରେ ଧଳା ବାଘୁଣୀ ବିଜୟା ଦୁଇଟି ଛୁଆଙ୍କୁ ଜନ୍ମ ଦେଇଛି । ଖୁସିର କଥା ହେଉଛି ଦୁଇଟି ଯାକ ଛୁଆଙ୍କ ମଧ୍ୟରୁ ଗୋଟିଏ ଛୁଆ ଧଳାବାଘ ଓ ଅନ୍ୟଟି ମହାବଳ ବାଘ ବୋଲି ସୂଚନା ଦେଇଛନ୍ତି ନନ୍ଦନକାନନ ପ୍ରାଣୀ ଉଦ୍ୟାନ ଉପ ନିର୍ଦ୍ଦେଶକ ଜୟନ୍ତ କୁମାର ଦାଶ । ଦୁଇ ବାଘ ଛୁଆଙ୍କ ଜନ୍ମ ପରେ ବର୍ତ୍ତମାନ ନନ୍ଦନକାନନରେ ବାଘ ସଂଖ୍ୟା 26 ରେ ପହଁଞ୍ଚିଛି ।
ନନ୍ଦନକାନନ ପ୍ରାଣୀ ଉଦ୍ୟାନ କର୍ତ୍ତୃପକ୍ଷ ମା ବାଘୁଣୀ ଓ ଛୁଆ ବାଘଙ୍କ ଉପରେ ନଜର ରଖିଛନ୍ତି । କିଛିଦିନ ପରେ ସେମାନଙ୍କୁ ପର୍ଯ୍ୟଟକଙ୍କ ଦେଖିବା ପାଇଁ ଏନ୍କ୍ଲୋଜରରେ ଛଡ଼ାଯିବ ।
