ପ୍ରବଳ ବର୍ଷା ଯୋଗୁଁ ଉତ୍ତରାଖଣ୍ଡର ରାଜଧାନୀ ଡେରାଡୁନରେ ପ୍ରକୃତିର ତାଣ୍ଡବ । ବିଳମ୍ୱିତ ରାତିରେ ବାଦଲ ଫଟା ବର୍ଷା । ଜିଲ୍ଲା ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟକୁ ଜୋରଦାର କରାଯାଇଛି । ପାଣିର ପ୍ରଖର ସ୍ରୋତରେ ଭାସିଯାଇଛି କିଛି ଦୋକାନ । ଜିଲ୍ଲା ପ୍ରଶାସନ ରାତିରେ ହିଁ ନିକଟରେ ରହୁଥିବା ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିଥିଲା । ଦୁଇଜଣ ନିଖୋଜ ଥିବା ଜଣାପଡ଼ିଛି, ଯାହାଙ୍କ ସନ୍ଧାନ ଜାରି ରହିଛି। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ, ଜିଲ୍ଲା ମାଜିଷ୍ଟ୍ରେଟ୍ ସଭିନ୍ ବଂଶଲ୍ ଦାୟିତ୍ୱ ଗ୍ରହଣ କରିଥିଲେ। ସେ ବିଭିନ୍ନ ବିଭାଗ ସହିତ ସମନ୍ୱୟ ସ୍ଥାପନ କରି ରାତିରେ ହିଁ ଘଟଣାସ୍ଥଳକୁ ଉଦ୍ଧାର ଦଳ ପଠାଇଥିଲେ। SDRF, NDRF ଏବଂ ପବ୍ଲିକ ୱାର୍କସ ବିଭାଗ ଦ୍ୱାରା JCB ଏବଂ ଅନ୍ୟାନ୍ୟ ଉପକରଣ ସାହାଯ୍ୟରେ ଉଦ୍ଧାର କାର୍ଯ୍ୟ ଜାରି ରହିଛି। ବିପର୍ଯ୍ୟୟକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ସତର୍କ ସ୍ଥିତିରେ ଅଛି ।
