ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ମଧ୍ୟରେ ଇରାନ ସ୍ପଷ୍ଟ କରିଛି ଯେ ସେ ବର୍ତ୍ତମାନ ଆମେରିକା ସହିତ କୌଣସି ପ୍ରକାରର ଆଲୋଚନା ପାଇଁ ପ୍ରସ୍ତୁତ ନୁହେଁ। ଇରାନର ସର୍ବୋଚ୍ଚ ନେତା ଅବଦୁଲ ମାଜିଦ ହାକିମ ଏଲାହି କହିଛନ୍ତି ଯେ ବର୍ତ୍ତମାନ ପରିସ୍ଥିତିରେ ଆଲୋଚନାର କୌଣସି ପ୍ରଶ୍ନ ଉଠୁନାହିଁ ଏବଂ ଯଦି ପରିସ୍ଥିତି ଏପରି ଜାରି ରହେ, ତେବେ ଇରାନ ଏକ ଦୀର୍ଘକାଳୀନ ଯୁଦ୍ଧର ସମ୍ମୁଖୀନ ହେବାକୁ ମଧ୍ୟ ପ୍ରସ୍ତୁତ। ଜାତୀୟ ଗଣମାଧ୍ୟମକୁ ଏକ ସାକ୍ଷାତକାରରେ, ଇରାନର ସର୍ବୋଚ୍ଚ ନେତା କହିଛନ୍ତି ଯେ ଆଜି ମଧ୍ୟ ଇରାନର ରାସ୍ତାରେ ଲୋକଙ୍କ ମଧ୍ୟରେ କ୍ରୋଧ ଏବଂ ପ୍ରତିରୋଧର ଭାବନା ରହିଛି। ଲୋକମାନେ ଖୋଲାଖୋଲି ଭାବରେ କହୁଛନ୍ତି ଯେ ସେମାନେ ନିଜ ଦେଶକୁ ସୁରକ୍ଷା ଦେବା ପାଇଁ ପ୍ରତ୍ୟେକ ବଳିଦାନ ଦେବାକୁ ପ୍ରସ୍ତୁତ ଅଛନ୍ତି ।ସେମାନେ କହୁଛନ୍ତି ଯେ ସେମାନେ ନିଜର ରକ୍ତ ଦେବେ, କିନ୍ତୁ ସେମାନେ ନିଜ ଭୂମି ଦେବେ ନାହିଁ।ସେ କହିଛନ୍ତି ଯେ ସଂଘର୍ଷ କେତେ ଦିନ ଚାଲିବ ତାହା କହିବା କଷ୍ଟକର, କିନ୍ତୁ ଇରାନ ଶେଷ ପର୍ଯ୍ୟନ୍ତ ଲଢ଼ିବାକୁ ସ୍ଥିର କରିଛି ଥିଲା। ଇରାନ ଲମ୍ବା ଯୁଦ୍ଧ ଅନୁଭବ କରିଛି। ସେ କହିଛନ୍ତି ଯେ ଦେଶ ଇରାନ ଏବଂ ଇରାକ ମଧ୍ୟରେ ଆଠ ବର୍ଷର ଯୁଦ୍ଧ ଭୋଗିଛି।ସେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବୟାନକୁ ମଧ୍ୟ ଖାରଜ କରିଛନ୍ତି ଓ କହିଛନ୍ତି ଯେ ଇରାନ ଏହି ସମୟରେ ଆଲୋଚନା କରିବାକୁ ଇଚ୍ଛୁକ ନୁହେଁ କାରଣ ଆମେରିକାର କାର୍ଯ୍ୟାନୁଷ୍ଠାନ ପରେ ସଂଘର୍ଷ ଆରମ୍ଭ ହୋଇଥିଲା। ସେ କହିଛନ୍ତି ଯେ, ଅତୀତରେ ଦୁଇଥର ଏପରି ପରିସ୍ଥିତି ସୃଷ୍ଟି ହୋଇଥିଲା ଯେତେବେଳେ ଆଲୋଚନା ଚାଲିଥିଲା ଏବଂ ଏହି ସମୟରେ ଇରାନ ଉପରେ ଆକ୍ରମଣ କରାଯାଇଥିଲା।
