କଟକ: କଟକ ଜିଲ୍ଲାର ବାଙ୍କୀ ଅଞ୍ଚଳରେ ୩ଟି ଘରୋଇ ସ୍କୁଲ ବସ୍କୁ ଆଜି ପରିବହନ ବିଭାଗଜବତ କରିଛି। ଏହି ବସ୍ଗୁଡ଼ିକ ପାଖରେ ବୈଧ ପରମିଟ୍ ଓ ଫିଟନେସ୍ ସାର୍ଟିଫିକେଟ୍ ନଥିବା ସତ୍ତ୍ୱେ ଛାତ୍ରଛାତ୍ରୀଙ୍କ ପରିବହନରେ ବ୍ୟବହାର ହେଉଥିଲା। ମିଳିଥିବା ତଥ୍ୟ ଅନୁଯାୟୀ, କଟକ RTO ଓ ଓଡ଼ିଶା ମୋଟର ଭେହିକଲ୍ ବିଭାଗ (OMVD)ର ମିଳିତ ଟିମ୍ ବାଙ୍କୀରେ ସ୍ୱତନ୍ତ୍ର ଯାଞ୍ଚ ଅଭିଯାନ କରିଥିଲେ। ଯାଞ୍ଚ ବେଳେ ସ୍କୁଲ ପିଲାଙ୍କୁ ନେଇ ଯାଉଥିବା ୩ଟି ବସ୍କୁ ଅଟକାଯାଇଥିଲା। କାଗଜପତ୍ର ଯାଞ୍ଚରେ ଜଣାପଡ଼ିଥିଲା ଯେ, ବସ୍ଗୁଡ଼ିକର ବୈଧ ପରମିଟ୍ କିମ୍ବା ଫିଟନେସ୍ ସାର୍ଟିଫିକେଟ୍ ନାହିଁ। ଏହାପରେ ନିୟମ ଉଲ୍ଲଂଘନ ଅଭିଯୋଗରେ ସମସ୍ତ ୩ଟି ବସ୍କୁ ଜବତ କରାଯାଇଛି। ପରିବହନ ବିଭାଗ ଅନ୍ୟାନ୍ୟ ଦଲିଲ ଯାଞ୍ଚ କରୁଥିବା ବେଳେ ମୋଟର ଭେହିକଲ୍ ଆଇନର ଅନ୍ୟ କୌଣସି ଉଲ୍ଲଂଘନ ହୋଇଛି କି ନାହିଁ, ସେନେଇ ତଦନ୍ତ ଜାରି ରହିଛି।
