ନୂଆଦିଲ୍ଲୀ: ସଚିନ୍ ତେନ୍ଦୁଲକରଙ୍କର ଆଉ ଏକ ବିଶ୍ୱ ରେକର୍ଡ ଭାଙ୍ଗିଛନ୍ତି ବିରାଟ କୋହଲି । ଥିରୁଅନନ୍ତପୁରମ୍ରେ ୱେଷ୍ଟଇଣ୍ଡିଜ୍ ବିପକ୍ଷ ପ୍ରଥମ ଦିନିକିଆ (ODI) ମ୍ୟାଚ୍ରେ ଶତକୀୟ ପାଳି ଖେଳି ସେ ୧୫,୦୦୦ ରନ୍ ପୂରଣ କରିବାର ବିଶ୍ବ ରେକର୍ଡ ରଚିଛନ୍ତି। ଏହି ମ୍ୟାଚ୍ ପୂର୍ବରୁ ସଚିନ୍ ତେନ୍ଦୁଲକରଙ୍କ ରେକର୍ଡ ଭାଙ୍ଗିବା ପାଇଁ ବିରାଟଙ୍କୁ ୫୯ ରନ୍ର ଆବଶ୍ୟକତା ଥିଲା। ଦିନିକିଆ କ୍ରିକେଟ୍ ଇତିହାସରେ ୧୫,୦୦୦ ରନ୍ ପୂରଣ କରିବାରେ ବିରାଟ ହେଉଛନ୍ତି ଦ୍ୱିତୀୟ ବ୍ୟାଟର୍ । ପୂର୍ବରୁ ସଚିନ୍ ତେନ୍ଦୁଲକର ୩୭୭ ଟି ପାଳି ଖେଳି ଏହି ମାଇଲଖୁଣ୍ଟ ଛୁଇଁଥିବା ବେଳେ, ବିରାଟ କୋହଲି ମାତ୍ର ୩୦୩ ଟି ପାଳିରେ ଏହି ଅଦ୍ଭୁତ କୀର୍ତ୍ତିମାନ ସ୍ଥାପନ କରିଛନ୍ତି। ରବିବାର ୱେଷ୍ଟଇଣ୍ଡିଜ ବିପକ୍ଷ ପ୍ରଥମ ODIରେ ଭାରତକୁ ୨୯୬ ରନ୍ର ଟାର୍ଗେଟ୍ ମିଳିଥିଲା। ରୋହିତ ଶର୍ମା ୩୨ ରନ୍ରେ ଆଉଟ୍ ହେବା ପରେ କୋହଲି ତୃତୀୟ ନମ୍ବରରେ ବ୍ୟାଟିଂ କରିବାକୁ ଆସିଥିଲେ। ୪୦ଟି ବଲ୍ରେ ଅର୍ଦ୍ଧଶତକ ପୂରଣ କରିବା ପରେ ୨୯ତମ ଓଭରର ପଞ୍ଚମ ବଲ୍ରେ ଚୌକା ମାରି ସେ ୧୫ ହଜାର ODI ରନ୍ ପୂରଣ କରିଥିଲେ।
