ଦେଢ କେଜିରୁ ଅଧିକ ହେବନି ସ୍କୁଲ ବ୍ୟାଗ୍, ଜାରି ହେଲା ଗାଇଡ ଲାଇନ

ଗୋଟିଏ ପିଲା ପାଇଁ ଶିକ୍ଷା ଅଧ୍ୟୟନ ହେଉଛି ଅପରିହାର୍ଯ୍ୟ. ମାତ୍ର ଇଚ୍ଛା ନଥାଇ ଜବରଦସ୍ତ ଶିକ୍ଷା ଠିକ୍ ନୁହେଁ. ତେବେ ଏହାକୁ ଦୃଷ୍ଟିରେ ରଖି କେନ୍ଦ୍ର ସରକାରଙ୍କ ପକ୍ଷରୁ ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀଙ୍କ ପାଇଁ ନିର୍ଦ୍ଦିଷ୍ଟ ଗାଇଡଲାଇନ ପ୍ରସ୍ତୁତ କରାଯାଇଛି ଓ କେଉଁ ଶ୍ରେଣୀର ଛାତ୍ରଛାତ୍ରୀ କେତେ ଓଜନର ବ୍ୟାଗ୍ କାନ୍ଧରେ ପକେଇବେ ତାକୁ ନେଇ ଶିକ୍ଷାମନ୍ତ୍ରାଳୟ ପକ୍ଷରୁ ସମସ୍ତ ରାଜ୍ୟକୁ ନିର୍ଦ୍ଦେଶନାମା ଜାରି କରାଯାଇଛି. ଜାରି କରାଯାଇଥିବା ନିର୍ଦ୍ଦେଶନାମାରେ ଉଲ୍ଲେଖ ରହିଛି ଯେ, 5 ରୁ 7 ବର୍ଷର ଛାତ୍ରଛାତ୍ରୀଙ୍କୁ ପ୍ରତ୍ୟେକ ଦିନ ବିଦ୍ୟାଳୟରେ ଦିଆଯାଉଥିବା ପାଠ ଠିକ୍ ନୁହେଁ. ଏହାଦ୍ୱାରା ସେମାନେ ମାନସିକ ଚାପର ଶିକାର ହୋଇପାରନ୍ତି. ସେଥିପାଇଁ ଏହାକୁ ଦୃଷ୍ଟିରେ ରଖି ଷ୍ଟାଣ୍ଡାର୍ଡ-1ରୁ ଷ୍ଟାଣ୍ଡାର୍ଡ-2 ପର୍ଯ୍ୟନ୍ତ ଛାତ୍ରଛାତ୍ରୀଙ୍କୁ କୌଣସି ପ୍ରକାର ହୋମଟ୍ୟାକ୍ସ ଦିଆଯାଇପାରିବ ନାହିଁ. ତେବେ ଶିକ୍ଷକ ଶିକ୍ଷୟତ୍ରୀମାନେ କେବଳ ଗଣିତ ଓ ଭାଷାଭିତ୍ତିକ ଟ୍ୟାକ୍ସ ଦେଇପାରିବେ. ଏହାକୁ ବାଦ୍ ଦେଇ ସେମାନେ ଆଉ କୌଣସି ଟ୍ୟାକ୍ସ ଦେଇପାରିବେ ନାହିଁ ବୋଲି ଉଲ୍ଲେଖ ରହିଛି. ସେହିପରି ଷ୍ଟାଣ୍ଡାର୍ଡ-3 ରୁ 5 ପର୍ଯ୍ୟନ୍ତ ଛାତ୍ରଛାତ୍ରୀଙ୍କୁ ଏନସିଇଆରଟି ପାଠ୍ୟକ୍ରମ ଅନୁଯାୟୀ ଗଣିତ ପାଠ ଦେଇପାରିବେ. ଏହାଛଡା ସ୍କୁଲରେ ଯେଉଁ ପାଠ ପଢାଯିବ ପିଲାମାନେ କେବଳ ସେହି ବହି ଓ ଖାତା ନେଇ ଆସିବେ. ତୃତୀୟରୁ ପଞ୍ଚମ ଶ୍ରେଣୀ ପିଲା 2.3 କେଜି, ସପ୍ତମ ଶ୍ରେଣୀ ପିଲା 4 କେଜି, ନବମ ଶ୍ରେଣୀ ପିଲା ସାଢେ ଚାରି କେଜି ଓ ଦଶମ ଶ୍ରେଣୀ ପିଲା 5କେଜି ଓଜନ ପର୍ଯ୍ୟନ୍ତ ବ୍ୟାଗ୍ ନେଇ ଯାଇପାରିବେ ବୋଲି କହିଛନ୍ତି ଶିକ୍ଷା ମନ୍ତ୍ରାଳୟ ସଚିବ ଏକ ହାମଜା.