ଇତିହାସ ଫର୍ଦ୍ଦରେ ଯୋଡି ହେଲା କଳିଙ୍ଗ ଷ୍ଟାଡିୟମ

ଶେଷରେ ଇତିହାସ ଫର୍ଦ୍ଦରେ ଯୋଡି ହୋଇଯାଇଛି କଳିଙ୍ଗ ଷ୍ଟାଡିୟମର ନା. ମଙ୍ଗଳବାର ଦିନ କଳିଙ୍ଗ ଷ୍ଟାଡିୟମରେ ହକି ବିଶ୍ୱକପ୍ ର ଉଦଘାଟନୀ ଉତ୍ସବରେ ଇତିହାସ ରଚିଛି କଳିଙ୍ଗ ଷ୍ଟାଡିୟମ. ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଉତ୍ସବର ଉଦଘାଟନ କରିଥିବା ବେଳେ ବଲିଉଡ ଷ୍ଟାର ହକି ମଞ୍ଚକୁ ଆଉ ଟିକେ ରଙ୍ଗୀନ କରିଥିଲେ. ଗରମ ମାହୋଲ ସାଙ୍ଗକୁ ବଲିଉଡ ଷ୍ଟାରଙ୍କ ଦ୍ୱାରା ରଙ୍ଗାରଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା. ଧକଧକ୍ ଗାର୍ଲ ମାଧୁରୀ 40 ମିନିଟ ଧରି ନୃତ୍ୟ ପରିବେଷଣ କରିଥିଲେ ଯାହାମଧ୍ୟରେ ସେ ପାଞ୍ଚଥର ଡ୍ରେସ ଚେଞ୍ଜ୍ କରିଥିଲେ. ଏହାଛଡା ବାଦଶାହା ଶାହାରୁଖ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଶୁଭେଚ୍ଛା ଜ୍ଞାପନ କରିବା ସହ ଓଡିଶା ବାସୀଙ୍କୁ ଧନ୍ୟବାଦ ଅର୍ପଣ କରିଥିଲେ. ପରେ ସାରା ଷ୍ଟାଡିୟମ ଜୟ ହିନ୍ଦ୍ ଜୟ ଇଣ୍ଡିଆରେ କମ୍ପି ଉଠିଥିଲା.