ଆସନ୍ତାମାସରେ ଚୀନ୍ ରାଷ୍ଟ୍ରପତିଙ୍କୁ ଭେଟିବେ ମୋଦି

ଚୀନ ରାଷ୍ଟ୍ରପତି ସି.ଚିନଫିଙ୍ଗଙ୍କୁ ଆସନ୍ତା ମାସରେ ଭେଟିବାକୁ ଯାଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି. ଏହି ଦୁଇ ରାଷ୍ଟ୍ରପତିଙ୍କ ସାକ୍ଷାତ ଆର୍ଜେଣ୍ଚିନାରେ ହେବ ବୋଲି ଚୀନର ରାଷ୍ଟ୍ରଦୂତ ଲ୍ୟୁ ଝାଓହୁଇଙ୍କ ତରଫରୁ ସ୍ପଷ୍ଟ କରାଯାଇଛି.  ପ୍ରଥମଥର ପାଇଁ ଭାରତ ଓ ଚୀନ ପକ୍ଷରୁ ଏଭଳି ବୈଠକର ଆୟୋଜନ କରାଯାଉଛି. ଏହାକୁ ବାଦ୍ ଦେଲେ ଲ୍ୟୁ ଝାଓହୁଇ ଆହୁରି ମଧ୍ୟ କହିଛନ୍ତି, ଆସନ୍ତା ଡିସେମ୍ବର ମାସରେ ଚୀନର ଷ୍ଟେଟ୍ କାଉନସିଲର ଓ ବିଦେଶ ମନ୍ତ୍ରୀ ମଧ୍ୟ ଭାରତ ପରିଦର୍ଶନରେ ଆସିବେ. ଯାହା ଫଳରେ ଭାରତ ଓ ଚୀନ ମଧ୍ୟରେ ହୋଇଥିବା ଉଚ୍ଚସ୍ତରୀୟ  ପିପୁଲସ୍ ଟୁ ପିପୁଲସ୍ ଏକ୍ସଚେଞ୍ଜ୍ ସିଷ୍ଟମକୁ ଲଞ୍ଚ୍ କରାଯାଇପାରିବ. ଆଶା କରାଯାଉଛି ଯେ, ମୋଦି ଓ ଚିନଫିଙ୍ଗଙ୍କ ସାକ୍ଷାତ ଭାରତ ପାଇଁ ବହୁ ଗୁରୁତ୍ୱପୂର୍ଣ୍ଣ ରହିବ. ତେବେ 73 ଦିନ ପୂର୍ବେ ଡୋକଲାମରେ ଭାରତ ଓ ଚୀନ୍ ମଧ୍ୟରେ ଚାଲିଥିବା ମିଲିଟାରୀ ଅଚଳ ଅବସ୍ଥା ପରେ ଦୁଇରାଷ୍ଟ୍ର ସଂପର୍କରେ ସୁଧାର ଆଣିବା ପାଇଁ ପ୍ରୟାସ କରୁଛନ୍ତି. କିଛିଦିନ ପୂର୍ବେ ଦ୍ୱି-ପାକ୍ଷିକ ଆଲୋଚନା ଓ ଉଚ୍ଚସ୍ତରୀୟ ବୈଠକ ମଧ୍ୟ ହୋଇଥିଲା. କିନ୍ତୁ  ପାକିସ୍ତାନ ସହ ଚୀନର ଦୃଢ ସଂପର୍କ ଭାରତ ପାଇଁ ମୁଣ୍ଡ ବିନ୍ଧାର କାରଣ ହୋଇଛି. ବିଶେଷଭାବେ ଚୀନ୍ ର ମହତ୍ତ୍ୱାକାଂକ୍ଷୀ ପ୍ରୋଜେକ୍ଟ ସିପିଇସି ଭାରତ ପାଇଁ ଚିନ୍ତାର କାରଣ ପାଲଟିଛି.