ଆସନ୍ତାକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓଡିଶା ଗସ୍ତରେ ଆସୁଛନ୍ତି । ରାତି 9ଟାରେ ଭୁବନେଶ୍ବର ବିମାନବନ୍ଦରରେ ପହଞ୍ଚିବେ । ସେଠାରେ ତାଙ୍କୁ ସ୍ବାଗତ ସମ୍ବର୍ଦ୍ଧିନା ଦିଆଯିବା ପରେ ରାଜଭବନକୁ ଆସିବେ । ରାଜଭବନରେ ରାତ୍ରୀ ଯାପନ କରିବା ପରେ ସୋମବାର ସକାଳ ଦଶଟାରେ ବ୍ରହ୍ମପୁର କନିସି ଛକରେ ଆୟୋଜିତ ସାଧାରଣ ସମାବେଶରେ ଉଦବୋଧନ ଦେବେ । ସେଠାରୁ ସେ ନବରଙ୍ଗପୁର ଯାଇ ଦିନ ସାଢେ 12ଟାରେ ଚିକିଲି ଛକ ଠାରେ ଆୟୋଜିତ ବିଜୟ ସଂକଳ୍ପ ସମାବେଶରେ ଉଦବୋଧନ ଦେବେ । ପ୍ରଧାନମନ୍ତ୍ରୀଙ୍କ ଗସ୍ତ ସଂପର୍କରେ ଦଳର ବରିଷ୍ଠ ନେତା ଗୋଲକ ମହାପାତ୍ର ସୂଚନା ଦେଇଛନ୍ତି । ସେହିପରି ଦଳର ରାଷ୍ଟ୍ରୀୟ ସଭାପତି ଜେ.ପି. ନଡ୍ଡା ମଧ୍ୟ ଆସନ୍ତାକାଲି ଓଡିଶା ଗସ୍ତରେ ଆସିବାର କାର୍ଯ୍ୟକ୍ରମ ରହିଛି । ସେ ଅପରାହ୍ନ ତିନିଟାରେ ଭୁବନେଶ୍ବରରରେ ପହଞ୍ଚିବା ପରେ ଦଳୀୟ ଇସ୍ତାହାର ବିଜେପି ସଂକଳ୍ପ ପତ୍ର ଲୋକାର୍ପଣ କରିବେ । ଦୁଇଘଣ୍ଟା ଭୁବନେଶ୍ବରରେ ରହି ଦଳୀୟ ନେତୃବର୍ଗଙ୍କ ସହ ଆଲୋଚନା କରି ସଂଧ୍ୟା ସୁଦ୍ଧା ସେ ଫେରିଯିବାର କାର୍ଯ୍ୟକ୍ରମ ରହିଛି ।
