ଡିସେମ୍ବର ମାସ ପାଇଁ କରୋନାର ନୂଆ ଗାଇଡଲାଇନ୍ ଜାରି କରିଛି କେନ୍ଦ୍ର ଗୃହ ମନ୍ତ୍ରାଳୟ । ଏଥିରେ ସୁରକ୍ଷାକୁ ଗୁରୁତ୍ୱ ଦିଆଯାଇଛି । କଣ୍ଟେନମେଣ୍ଟ ଜୋନ ବାହାରେ ବିମାନ ଚଳାଚଳକୁ ଅନୁମତି ଦିଆଯାଇଛି । ସେହିଭଳି କଣ୍ଟେନମେଣ୍ଟ ଜୋନରେ କେବଳ ଅତି ଜରୁରୀ କାର୍ଯ୍ୟକୁ ମିଳିବ ଅନୁମତି । ଏପରି ଅଞ୍ଚଳରେ ଘରକୁ ଘର ବୁଲି ସର୍ଭେଲାନ୍ସ କରାଯିବ । ପ୍ରୋଟୋକଲ ଅନୁସାରେ ଟେଷ୍ଟିଂ, ଓ କଣ୍ଟ୍ରାକ୍ଟ ଟ୍ରେସିଂକୁ ମଧ୍ୟ ଗୁରୁତ୍ୱ ଦିଆଯିବ । କଣ୍ଟେନମେଣ୍ଟ ଗାଇଡଲାଇନକୁ କଡାକଡି ଭାବେ ପାଳନ କରିବାପାଇଁ ପରାମର୍ଶ ଦିଆଯାଇଛି । ଅନ୍ତର୍ଜାତୀୟ ବିମାନ ଚଳାଚଳକୁ ଅନୁମତି ମିଳିଛି । ୫୦ ଜଣ ଦର୍ଶକଙ୍କୁ ନେଇ ଚାଲିପାରିବ ସିନେମା ହଲ, ଥିଏଟର । କ୍ରିଡାବିତଙ୍କ ପାଇଁ ସୁଇମିଂ ପୁଲ୍ ଖୋଲା ରଖିବାକୁ ବି ଅନୁମତି ମିଳିଛି । ବ୍ୟବସାୟୀକ ଉଦେଶ୍ୟରେ ପ୍ରଦର୍ଶନୀ ହଲ ଖୋଲିବାକୁ ଅନୁମତି ମିଳିଛି ।
