ବାହୁଡା଼ ଯାତ୍ରାରେ ମହାପ୍ରଭୁ ଶ୍ରୀମନ୍ଦିର ଫେରିବା ବେଳେ ମାଉସିମାଙ୍କ ହାତରୁ ପୋଡପିଠା ଖାଇବା ପରମ୍ପରା ରହିଛି । ବାହୁଡା଼ ଯାତ୍ରା ଅବସରରେ ମାଉସୀମା ଙ୍କ ପୂଜକ ବିଶ୍ଵନାଥ ମିଶ୍ର ମାଉସୀମା ମନ୍ଦିରରେ ଏହି ପୋଡ଼ ପିଠା ପ୍ରସ୍ତୁତି ଆରମ୍ଭ କରିଛନ୍ତି । ପୋଡପିଠା ପ୍ରସ୍ତୁତି ବି ନିଆରା । ଅଟା ରେ ଛେନା,ଚିନି, ପିସ୍ତା ବାଦାମ,ଅଳେଇଚ,ଲବଙ୍ଗ, ଦେଶୀଘିଆ,ଆଦିରେ ମିଶାଇ ଏକ ମିଶ୍ରଣ ପ୍ରସ୍ତୁତ ହୋଇଥାଏ।ଏହାକୁ ଚକଟା ଯାଇ ପୋଡପିଠା ଆକାରରେ ଚୁଲିରେ ବସାଯାଇ ବାମ୍ଫ୍ରରେ ସିଝିବାକୁ ଦିଆଯାଏ।ପରେ ଏହାକୁ ବାହାରକରି ଥଣ୍ଡା ହେବାକୁ ଛାଡ଼ି ଦିଯାଇଥାଏ । ଥଣ୍ଡା ହେବାପରେ ଖଣ୍ଡ ଖଣ୍ଡ କରି କାଟି ଏହାକୁ ପୁନର୍ବାର ଦେଶୀ ଘିଅରେ ଛଣା ଯାଇଥାଏ ପରେ ତିନି ଠାକୁରଙ୍କୁ ତିନୋଟି କୁଡ଼ୁଆ ରେ ମହାପ୍ରଭୁଙ୍କୁ ସମର୍ପଣ କରାଯାଇଥାଏ । ଇତି ମଧ୍ୟରେ ପୋଡ଼ ପିଠା ପ୍ରସ୍ତୁତି ଆରମ୍ଭ ହୋଇ ଯାଇଛି ଅତ୍ୟନ୍ତ ଶୁଦ୍ଧ ପୁତ୍ତ ଭାବେ ବିଶ୍ଵନାଥ ଏହି ପୋଡ଼ ପିଠା ପ୍ରସ୍ତୁତ କରୁଛନ୍ତି।ଯାହା ବାହୁଡା଼ ଯାତ୍ରା ରେ ମାଉସୀ ମା ଙ୍କ ସମ୍ମୁଖ ରେ ରଥାରୂଢ଼ ମହାପ୍ରଭୁଙ୍କୁ ଅର୍ପଣ କରାଯିବା।
