ମାଟିତଳୁ ମିଳିଲା ବିସ୍ଫୋରକ

ମାଲକାନଗିରିର ସ୍ୱାଭିମାନ ଅଞ୍ଚଳରୁ ବିପୁଳ ପରିମାଣର ବିସ୍ଫୋରକ ଜବତ ହୋଇଛି । ଅଣ୍ଡରାପାଲି ନିକଟରୁ ଏହି ସବୁ ଜବତ ହୋଇଛି । ପୋଲିସକୁ ଟାର୍ଗେଟ ପାଇଁ ମାଓବାଦୀମାନେ ବିସ୍ଫୋରକ ସାମଗ୍ରୀ ରଖିଥିବା ସୂଚନା ମିଳିଛି । ୧୪ଟି ଗ୍ରେନେଡ୍‌, ୨ଟି ଲ୍ୟାଣ୍ଡମାଇନ,୧୦୦ରୁ ଅଧିକ ଗୁଳି ଜବତ ହୋଇଛି । ଜଙ୍ଗଲରେ ମାଟିତଳେ ମାଓବାଦୀମାନେ ବିସ୍ଫୋରକ ସାମଗ୍ରୀ ରଖିଥିବା ସୂଚନା ପାଇଥିଲା ମାଲକାନଗିରି ପୋଲିସ । ପୋଲିସ, ବିଏସଏଫ, ଡିଭିଏଫ ଏବଂ ଏସଓଜିର ମିଳିତ ଭାବରେ ସର୍ଚ ଅପରେସନ କରୁଥିବାବେଳେ ଏହି ସବୁ ସାମଗ୍ରୀ ଉଦ୍ଧାର ହୋଇଛି । ମାଲକାନଗିରି ଏସପି ରିଷିକେସ୍ ଖିଲାଡି ଏନେଇ ସୂଚନା ଦେଇଛନ୍ତି ।