ରାଜଧାନୀରେ ବନ୍ଧୁକ କାରଖାନା

ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ (ଓୟୁଏଟି)ର ଜଣେ କର୍ମଚାରୀଙ୍କ ସରକାରୀ ବାସଭବନରେ ବନ୍ଧୁକ କାରଖାନା ଠାବ । ତାଙ୍କ ନାଁ ନୃସିଂହ ନାୟକ। ପୁଲିସ୍ ତାଙ୍କୁ ଗିରଫ କରିଛି। ନୃସିଂହଙ୍କ ଠାରୁ ତିନିଟି ଅର୍ଦ୍ଧନିର୍ମିତ ବନ୍ଧୁକ ଜବତ କରାଯାଇଛି। ଏହା ସହିତ ଗୁଳି, ବିପୁଳ ପରିମାଣର ବାରୁଦ ଓ ବନ୍ଧୁକ ତିଆରିରେ ବ୍ୟବହୃତ ଅନ୍ୟାନ୍ୟ ସରଞ୍ଜାମ ମଧ୍ୟ ଜବତ କରାଯାଇଛି। ସୁଚନାଅନୁସାରେ, ଗତକାଲି ନୃସିଂହଙ୍କ ସରକାରୀ କ୍ୱାର୍ଟର୍ସ ଭିତରୁ ଜୋରରେ ଶବ୍ଦ ଶୁଣାଯାଇଥିଲା। ଏ ନେଇ ଲୋକେ ପୁଲିସ୍‌କୁ ଖବର ଦେଇଥିଲେ। ତେବେ କଞ୍ଚାମାଲ କେଉଁଠୁ ଆସୁଥିଲା, କେତେ ଦିନ ହେଲାଣି ଏଠାରେ ଏ କାରଖାନା ଚାଲିଥିଲା ଓ କେଉଁଠି ବନ୍ଧୁକ ବିକ୍ରି କରାଯାଉଥିଲା- ଏସବୁ ନେଇ କମିଶନରେଟ୍ ପୁଲିସ୍ ତଦନ୍ତ ଜାରି ରଖିଛି।