ପୋଲିସ କନଷ୍ଟେବଳ ଚୟନ ପାଇଁ ଶାରୀରିକ ପରୀକ୍ଷା ଚାଲୁଥିବା ବେଳେ ଜଣେ ପ୍ରାର୍ଥୀଙ୍କର ମୃତ୍ୟୁ ଘଟିଛି । କଳାହାଣ୍ଡି ଜିଲ୍ଲା ଭବାନୀପାଟଣାର ବିଶ୍ୱନାଥପୁର ଥାନା ଧନରାଭଟ୍ଟ ଗାଁର ସୁଶାନ୍ତ ନାଏକଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଅଗଷ୍ଟ 11 ତାରିଖ ଦିନ ସକାଳେ ଭବାନୀପାଟଣା ରିଜର୍ଭ ପଡିଆରେ ଆୟୋଜିତ ଏହି ଚୟନ ପ୍ରକ୍ରିୟା ବେଳେ ୫ ହଜାର ମିଟର ଦୌଡରେ ଅଂଶ ଗ୍ରହଣ କରି ଦୌଡୁଥିବା ବେଳେ ପ୍ରାର୍ଥୀ ଜଣକ ଅସୁସ୍ଥ ହୋଇ ପଡିଥିଲେ । ଗୁରୁତର ଅବସ୍ଥାରେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ ତାଙ୍କର ମୃତ ହୋଇଥିଲା । ଘଟଣାର ତଦନ୍ତ ଆରମ୍ଭ କରିଛି ପୋଲିସ । ଏହାବ୍ୟତୀତ ଅନ୍ୟ 5 ଜଣ ଆଶାୟୀ ପରୀକ୍ଷାର୍ଥୀ ଅସୁସ୍ଥ ହୋଇପଡିଛନ୍ତି ।
