କିଛିଦିନ ପୂର୍ବରୁ ବେଶ ଚର୍ଚ୍ଚାରେ ଥିବା ଫିଲ୍ମ ‘ମେରେ ପ୍ୟାରେ ପ୍ରାଇମ ମିନିଷ୍ଟର’ ର ଟ୍ରେଲର ସୋମବାର ରିଲିଜ ହୋଇଛି. ଟ୍ରେଲରଟି ଏପରି ହୋଇଛି ଯେ, ଯିଏ ବି ଏହାକୁ ଦେଖିବ ନିହାତି ଭାବରେ ଏହା ହୃଦୟକୁ ଛୁଇଁବ. ରାକେଶ ଓମପ୍ରକାଶ ମେହେରାଙ୍କ ନିର୍ଦ୍ଦେଶନାରେ ନିର୍ମାଣ ହୋଇଥିବା ଏହି ଫିଲ୍ମରେ ଖୋଲାରେ ଶୌଚ ଓ ସାନିଟେସନ ଇସ୍ୟୁ ଉପରେ ଦର୍ଶାଯାଇଛି. ଫିଲ୍ମରେ କେବଳ ଏତିକି ନୁହେଁ, ବରଂ ଯୌନ ହିଂସା ଓ ଜାତିଗତ ଭେଦଭାବକୁ ମଧ୍ୟ ଚିତ୍ରିତ କରାଯାଇଛି. ଜଣେ 8 ବର୍ଷ ବୟସର ପିଲା ଓ ତା ମା’ଙ୍କ ସଂଘର୍ଷର କାହାଣୀ ଏଥିରେ ବର୍ଣ୍ଣନା କରାଯାଇଛି. ତେବେ ଏଥିରେ ମୁଖ୍ୟ ଚରିତ୍ରରେ ନ୍ୟାସନାଲ ଆୱାର୍ଡ ୱିନର ଅଞ୍ଜଳି ପାଟିଲ, ମକରନ୍ଦ ଦେଶପାଣ୍ଡେ, ରସିକା ଉଗାସେ, ସୋନିଆ ଅଲବିଜୁରୀ ଓ ନଚିକେତ ପୂର୍ଣ୍ଣପତ୍ରେ ନଜର ଆସିବେ. 15 ମାର୍ଚ୍ଚ 2019ରେ ଏହା ବଡ ପରଦାରେ ମୁକ୍ତିଲାଭ କରିବ.
