ଫିଲ୍ମ ଫ୍ରାଇଡେରେ ବଡ ପରଦାରେ ମୁକ୍ତିଲାଭ କରିଛି ଇମରାନ ହାଶମୀଙ୍କ ଫିଲ୍ମ ‘ହ୍ୱାଏ ଚିଟ୍ ଇଣ୍ଡିଆ’. ଭାରତୀୟ ଏଜୁକେଶନ ସିଷ୍ଟମ ଉପରେ ଆଧାରିତ ଏହି ଫିଲ୍ମରେ ଇମରାନ ହାଶମୀ ନିଜର ସିରିୟଲ କିସର ଇମେଜକୁ ବଦଳାଇ ଫିଲ୍ମରେ ଏକ ଜବରଦସ୍ତ ଭୂମିକାରେ ନଜର ଆସିଛନ୍ତି. ଏହାଛଡା ଫିଲ୍ମ ‘ହ୍ୱାଏ ଚିଟ୍ ଇଣ୍ଡିଆ’ରେ ଇମରାନଙ୍କ ବିପକ୍ଷରେ ନ୍ୟୁ କମର୍ ଶ୍ରେୟା ଧନବନ୍ତାରୀ ନଜର ଆସିଛନ୍ତି. ତେବେ ଏହାର ନିର୍ଦ୍ଦେଶନା ଦାୟିତ୍ୱ ସୌମିକ ସେନ୍ ତୁଲାଇଛନ୍ତି. ‘ହ୍ୱାଏ ଚିଟ୍ ଇଣ୍ଡିଆ’ ଛଡା ସିନେମା ଘରେ ରିଲିଜ ହୋଇଛି ଆଉ ତିନୋଟି ଫିଲ୍ମ. ଗୋବିନ୍ଦା-ଶକ୍ତି କପୁରଙ୍କ ‘ରଙ୍ଗୀଲା ରାଜା’, ଅରସଦ ବାରସୀ-ସୌରଭ ଶୁକ୍ଳାଙ୍କ ଫିଲ୍ମ ‘ଫ୍ରଡ ସେୟାଁ’ ଏବଂ ରାଧିକା ଅପ୍ଟେଙ୍କ ଫିଲ୍ମ ‘ବାମ୍ବୋରିଆ’ ମଧ୍ୟ ଦର୍ଶକଙ୍କ ପାଇଁ ଶୁକ୍ରବାର ପ୍ରେକ୍ଷାଳୟରେ ମୁକ୍ତିଲାଭ କରିଛି. ଏହି ସବୁ ସିନେମା ମଧ୍ୟରୁ ‘ହ୍ୱାଏ ଚିଟ୍ ଇଣ୍ଡିଆ’ ଉପରେ ବେଶି ଚର୍ଚ୍ଚା ହେଉଥିବା ପରିଲକ୍ଷିତ ହୋଇଛି. ଗୋଟିଏ ପଟେ ଏହି ଚାରୋଟି ଫିଲ୍ମ ମଧ୍ୟରେ କଡା ଟକ୍କର ଦେଖିବାକୁ ମିଳିବ ଏବଂ ଅନ୍ୟପଟେ ବକ୍ସ ଅଫିସରେ ଏହି ସବୁ ଫିଲ୍ମ କି ପ୍ରକାର କମାଲ ଦେଖାଉଛି ତା ଦେଖିବାକୁ ବାକି ରହିଲା.
