ପରଲୋକରେ କଳ୍ପନା ଲାଜମୀ

ବଲିଉଡ ଫିଲ୍ମ ନିର୍ମାତା କଳ୍ପନା ଲାଜମୀଙ୍କର ରବିବାର ଭୋର ୪ଟା ୩୦ରେ ଦେହାନ୍ତ ହୋଇଛି । ୬୪ ବର୍ଷ ବୟସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ସେ ଦୀର୍ଘଦିନ ହେଲା କିଡନୀ କର୍କଟ ରୋଗରେ ପୀଡିତ ଥିଲେ । ତିନିବର୍ଷ ହେଲା ତାଙ୍କର ଚିକିସôା ଚାଲିଥିଲା । କଳ୍ପନା ହେଉଛନ୍ତି ପ୍ରସିଦ୍ଧ ଚିତ୍ରକର ଲଳିତା ଲାଜମୀଙ୍କ ଝିଅ । ତାଙ୍କ ମୃତୁ୍ୟରେ ବଲିଉଡରେ ଶୋକରା ଛାୟା ଖେଳିଯାଇଛି । ୧୯୯୩ରେ ସେ ‘ରୁଦାଲି’ ଫିଲ୍ମ ନିର୍ମାଣ କରିଥିଲେ । ଏହି ଫିଲ୍ମରେ ଡିମ୍ପଲ କପାଡିଆ ଅଭିନୟ କରିଥିଲେ । ୨୦୦୧ ରେ ସେ ଦର୍ଶକଙ୍କ ଭେଟିଦେଇଥିଲେ ଫିଲ୍ମ ‘ଦମନ’ । ଯେଉଁଥିରେ ରବିନା ଟଣ୍ଡନ ଲିଡ୍ ରୋଲରେ ନଜର ଆସିଥିଲେ । ୨୦୦୬ରେ କଳ୍ପନା ତାଙ୍କର ଶେଷ ଫିଲ୍ମ ଚିଙ୍ଗାରୀ ନିର୍ମାଣ କରିଥିଲେ । ଏଥିରେ ମିଥୁନ ଚକ୍ରବର୍ତ୍ତୀ ଓ ସୁସ୍ମିତା ସେନ ଅଭିନୟ କରିଥିଲେ ।