ମଧ୍ୟପ୍ରଦେଶର ପନ୍ନା ଜିଲ୍ଲା ବୁଦେଲଖଣ୍ଡ ହୀରା ଖଣି ପାଇଁ ବେଶ୍ ପ୍ରସିଦ୍ଧ । ଅନାଦିଆଲ କୁଷୱାଙ୍କୁ ପନ୍ନା ଜିଲ୍ଲାର ଖଣିରେ ମଙ୍ଗଳବାର ଦିନ ୧୦.୬୯ କ୍ୟାରେଟର ହୀରା ମିଳିଛି । ହୀରାର ମୁଲ୍ୟ ୫୦ଲକ୍ଷ ବୋଲି ହୀରା ବିଷେଷଜ୍ଞ କହିଛନ୍ତି । ରାନିପୁର ପାଖରେ ଥିବା ଖଣିରୁ ମିଳିଥିବା ୧୦.୬୯ କ୍ୟାରେଟର ହୀରାକୁ ସ୍ଥାନୀୟ ହୀରା ଅଧିକାରୀଙ୍କୁ ହସ୍ତାନ୍ତର କରିଦେଇଥିଲେ ଅନାଦିଆଲ । କରୋନାର ପ୍ରଭାବ କମିବାର ପରେପରେ ୭୦ ସେଣ୍ଟ ହୀରା ଅନାଦିଆଲ ହୀରା ଅଧିକାରୀଙ୍କୁ ଦେଇଥିଲେ । ଅନାଦିଆଲ ଓ ତାଙ୍କ ସହଯୋଗୀ ୬ମାସ ଧରି କାମ କରି ଚାଲିଥିଲେ । ଯାହାର ଫଳ ଏହି ୫୦ଲକ୍ଷ ଟଙ୍କା ର ହୀରା ବୋଲି ଗଣମାଧ୍ୟମକୁ କହିଛନ୍ତି ।
