ମୁମ୍ବାଇରେ ଏବେ ବର୍ଷା ଜାରି ରହିଛି । ଏହା ଦ୍ୱାରା ମୁମ୍ବାଇ ସହର ଜଳାର୍ଣ୍ଣବ ହୋଇପଡିଛି । ବର୍ଷାର ପରିମାଣ ଏତେ ଅଧିକ ରହିଛିଯେ ମୁମ୍ବାଇର ଛତ୍ରପତି ଶିବାଜୀ ବିମାନ ବନ୍ଦରରେ ସମସ୍ତ ଟର୍ମିନାଲର ବିମାନ ସେବା ରଦ୍ଦ କରିଦିଆଯାଇଛି । କେବଳ ବିମାନ ସେବା ରଦ୍ଧ ନୁହେଁ ସଡକ ମଧ୍ୟ ପାଣିରେ ବୁଡି ରହିଛି ଯାହାଫଳରେ ଟ୍ରାଫିକ ଜାମ ଲାଗି ରହିଛି । ଆଜି ମଧ୍ୟ ପ୍ରବଳ ବର୍ଷା ପ୍ରଭାବରୁ ଉଭୟ ସ୍ଥଳମାର୍ଗ ଏବଂ ଆକାଶ ମାର୍ଗରେ ପରିବହନ ବ୍ୟବସ୍ତା ଏକ ପ୍ରକାର ଠପ୍ ହୋଇଯାଇଛି । ସହରର କିଛି ସ୍ଥାନର ଜଳାର୍ଣ୍ଣବ ହୋଇ ପଡିଥିବାରୁ ଲୋକମାନଙ୍କୁ ନାହଁ ନଥିବା ଅସୁବିଧାର ସମ୍ମୁଖୀନ ହେବାକୁ ପଡୁଛି । ଏହି ବର୍ଷା କାରଣରୁ ଏପର୍ପ୍ୟନ୍ତ ୨୭ ଲୋକ ମୃତ୍ୟୁ ବରଣ କରିସାରିଲେଣି । ମୁମ୍ବାଇରେ ବର୍ତମାନ ନୌସେନାକୁ ସହାୟତା ପାଇଁ ନିୟୋଜିତ କରାଯାଇଛି ।
