କଳାହାଣ୍ଡି ଉତ୍ସବ ଉଦଘାଟିତ

ଉଦଘାଟିତ ହୋଇଛି ଗ୍ରାମ ପଞ୍ଚାୟତ ସ୍ତରୀୟ କଳାହାଣ୍ଡି ଉତ୍ସବ । ଏହି ସାଂସ୍କୃତିକ ମହୋତ୍ସବ ଆସନ୍ତା ଜାନୁୟାରୀ ୧୪ ତାରିଖରୁ ଆରମ୍ଭ ହେବ । ସୋମବାର କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ମହାଲିଙ୍ଗ ଠାରେ ଗ୍ରାମପଞ୍ଚାୟତ ସ୍ଥରୀୟ କଳାହାଣ୍ଡି ଉତ୍ସବ ଉଦଘାଟିତ ହୋଇଥିବାବେଳେ କଳାହାଣ୍ଡି ଜିଲ୍ଲାପାଳ ପରାଗ ହର୍ଷଦ ଗାଭାଳି ଲୋଗୋ ଉନ୍ମୋଚନ କରିଥିଲେ । ଏହାପୂର୍ବରୁ ମହାଲିଙ୍ଗ ଗାଁର ଦୁଆରସନି ମନ୍ଦିରରୁ ଏକ ଭବ୍ୟ ଶୋଭାଯାତ୍ରାରେ ମସାଲ ଓ କଳସ ଯାତ୍ରା ପୁରା ଗାଁ ପରିକ୍ରମା କରି ଉତ୍ସବ ସ୍ଥଳୀକୁ ପହଁଞ୍ଚିବା ପରେ କଳାହାଣ୍ଡି ଉତ୍ସବ ବିଧିବଧ ଭାବେ ଉଦଘାଟନ ହୋଇଥିଲା । ଏଥିରେ ଜିଲ୍ଲା ପ୍ରକଳ୍ପ ନିଦେ୍ର୍ଦଶକ ପ୍ରସନ କୁମାର ଷଡଙ୍ଗୀ, ଗୋଲାମୁଣ୍ଡା ଗୋଷ୍ଠୀ ଉନ୍ନୟନ ଅଧିକାରୀ ଅର୍ପିତା ବେହେରା ଉପସ୍ଥିତ ରହିଥିଲେ । ମହାଲିଙ୍ଗ ଗ୍ରାମପଞ୍ଚାୟତ ସରପଞ୍ଚ ସୁଶାନ୍ତ କୁମାର ସାହୁ ସଭା ପରିଚାଳନା କରିଥିଲେ ।