ପରିବା ବୋଝେଇ ଗାଡିରେ ଆସୁଛି ମଦ

ଚିନ୍ତାରେ ମଦୁଆ ଓ ମଦ ବେପାରୀ. କରୋନା କଟକଣା ଭିତରେ ଓର ଉଣ୍ଡୁଛନ୍ତି ମଦ ମାଫିଆ. ଅନ୍ଧାର ରାତିକୁ ଅପେକ୍ଷା କରି ରହୁଛନ୍ତି . ଆଉ ପରିବା ବୋଝେଇ ଗାଡିରେ ପଶ୍ଚିମବଙ୍ଗରୁ ଆମଦାନୀ କରୁଛନ୍ତି ମଦ. ସାରା ରାଜ୍ୟରେ ଲକ୍ ଡାଉନ କଟକଣା ବଳବତ୍ତର ଥିବା ବେଳେ କିଛି ମଦ ମାଫିଆ ଏମିତି ବାଟ ଆପଣେଇଛନ୍ତି. ହେଲେ ମଦ ମାଫିଆଙ୍କ ଏ କାରନାମାର ଖୁଲାସା କରିଛି ମୟୁରଭଂଜ ପୋଲିସ. ସଡକ ପଥରେ ଯାଞ୍ଚ ଜୋରଦାର ହେଉଥିବାରୁ ପରିବା ବୋଝେଇ ଡଙ୍ଗାରେ ଆସୁଛି ମଦ. ପଶ୍ଚିମବଙ୍ଗରୁ ଆସିଥିବା ଏହି ବିପୁଳ ପରିମାଣର ଚୋରାମଦ ସୁବର୍ଣ୍ଣରେଖା ନଦୀ ପାରି ହେବା ପରେ ପହଞ୍ଚି ଯାଉଛି ଓଡିଶାର ମଦ ବେପାରୀଙ୍କ ପାଖରେ. ତେବେ ଜାମଶୋଳା ଚେକ୍ ଗେଟ୍ ନିକଟରେ ଯାଞ୍ଚ କଲା ବେଳେ ପରିବା ବୋଝେଇ ଗାଡିରେ ମଦ ଆସୁଥିବା ଜଣାପଡିଥିଲା. ଝାରପୋଖରିଆ ଥାନା ଏସଆଇ ପଂଚାନନ ମହାନ୍ତି ବିଳମ୍ବିତ ରାତିରେ ପରିବା ବୋଝେଇ ଗାଡି ଯାଞ୍ଚ କରିବା ବିପୁଳ ପରିମାଣର ମଦ ଜବତ କରିବା ସହ ଦୁଇ ମଦ ମାଫିଆଙ୍କୁ ଗିରଫ କରିଛନ୍ତି.