ଶନିବାର ଦିନ ହୋଇଥିବା ବଜ୍ରପାତରେ 12 ଜଣଙ୍କ ମୃତ୍ୟୁ ଘଟିଛି । ଏସଆରସି ଦେଇଥିବା ସୂଚନା ଅନୁଯାୟୀ ଖୋର୍ଦ୍ଧା ଜିଲ୍ଲାରେ ସର୍ବାଧିକ ଚାରିଜଣଙ୍କ ମୃତ୍ୟୁ ହୋଇଥିବା ବେଳେ ବଲାଙ୍ଗୀର ଜିଲ୍ଲାରେ 2ଜଣଙ୍କର ମୃତ୍ୟୁ ହୋଇଛି । ସେହିପରି ଅନୁଗୁଳ, ବୌଦ୍ଧ, ଢେଙ୍କାନାଳ, ଗଜପତି, ଜଗତସିଂହପୁର ଓ ପୁରୀ ଜିଲ୍ଲାରେ ବଜ୍ରପାତରେ ଜଣେ ଲେଖାଁ ପ୍ରାଣ ହରାଇଛନ୍ତି । ବଜ୍ରପାତରେ 14 ଜଣ ଆହତ ହୋଇଥିବା ବେଳେ 8ଟି ଗୋରୁ ଗାଇ ପ୍ରାଣ ହରାଇଥିବା ଜଣାପଡିଛି । ବଜ୍ରପାତରେ ପ୍ରାଣ ହରାଇଥିବା ମୃତକଙ୍କ ପରିବାରକୁ 4 ଲକ୍ଷ ଟଙ୍କା ଲେଖାଁଏ ସହାୟତା ରାଶି ପ୍ରଦାନ କରାଯିବ ବୋଲି ଏସଆରସିଙ୍କ ଅଫିସ ସୂତ୍ରରୁ ସୂଚନା ଦିଆଯାଇଛି ।
