ଯୁବ ସାମ୍ବାଦିକ ପ୍ରବୀରଙ୍କ ଦେହାନ୍ତରେ ସମସ୍ତେ ମର୍ମାହତ । ପୋଲିସ କମିଶନର ସୁଧାଂଶୁ ଷଡଙ୍ଗୀ ପ୍ରବୀରଙ୍କୁ ଶେଷ ସମ୍ମାନ ଜଣାଇଛନ୍ତି । ଶ୍ରଦ୍ଧାଞ୍ଜଳି ଜଣାଇ ତାଙ୍କ ଆତ୍ମାର ସଦଗତି କାମନା କରିଛନ୍ତି । ଏଥିସହିତ ସବୁ କ୍ରାଇମ ରିପୋର୍ଟର ମଧ୍ୟ ଉପସ୍ଥିତ ରହି ପ୍ରବୀରଙ୍କ ଆତ୍ମାର ସଦଗତିି କାମନା କରିଛନ୍ତି । ଯେଉଁ ଯୋଦ୍ଧା ନିଜକଥା ନଭାବି ଲୋକମାନଙ୍କୁ ଖବର ଦେଇଆସୁଥିଲା । ସେ ଆଜି ଖବର ପାଲଟିଯାଇଛି । କରୋନା ଯୁଦ୍ଧରେ ହାରିଯାଇଛି ପ୍ରବୀର କୁମାର ପ୍ରଧାନ । ଖବର ସଂଗ୍ରହ କରୁ କରୁ କରୋନାରେ ଆକ୍ରାନ୍ତ ହୋଇଥିଲେ ପ୍ରବୀର କୁମାର ପ୍ରଧାନ । ଆଉ ଦୀର୍ଘ ଦିନ କରୋନା ସହ ଲଢେଇ କରି ଆଜି ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି । 
ସେ ଜଣେ କ୍ରାଇମ ରିପୋର୍ଟର ଭାବେ ଓଡିଶାବାସୀଙ୍କ ନିକଟରେ ବେଶ୍ ପରିଚିତ ଥିଲେ । ତାଙ୍କର ଏଭଳି ଅକାଳ ବିୟୋଗରେ ବିଭିନ୍ନ ମହଲରେ ଶୋକ ପ୍ରକାଶ ପାଇଛି । ବିଶେଷକରି ତାଙ୍କ ସହ କାମ କରିଥିବା ବ୍ୟକ୍ତି ତ ତାଙ୍କ ମୃତ୍ୟୁକୁ ନେଇ ବିଶ୍ୱାସ କରିପାରୁନାହାଁନ୍ତି ।
