କାହିଁକି ୩ ଘଣ୍ଟା ବିଳମ୍ବରେ ଉଠିଲା ମହାଦୀପ । ଏତେ ବିଳମ୍ବ କାହିଁକି ହେଲା । ରାତି ୧୦ଟାରେ ମହାଦୀପ ଉଠିବା ନେଇ ନୀତି ନିର୍ଘଣ୍ଟ ହୋଇଥିଲା । ହେଲେ ୩ ଘଣ୍ଟାରୁ ଅଧିକ ସମୟ ବିଳମ୍ବ ହୋଇ ମଧ୍ୟ ରାତ୍ରୀ ଗୋଟାଏ ୮ ମିନିଟରେ ଉଠିଥିଲା ମହାଦୀପ । ଯେଉଁ ସମୟରେ ଯେଉଁ ନୀତି ହେବା କଥା ସେସବୁ ହୋଇନଥିଲା । ଫଳରେ ଘଣ୍ଟା ଘଣ୍ଟା ଧରି ମହାଦୀପକୁ ଦର୍ଶନ କରିବାକୁ ଅପେକ୍ଷା କରିଥିବା ଲକ୍ଷାଧିକ ଶ୍ରଦ୍ଧାଳୁ ନିରାଶ ହୋଇଥିଲେ । ନୀତି ବିଳମ୍ବ ନେଇ ସେବାୟତମାନେ ପ୍ରଶାସନକୁ ଦାୟୀ କରିଛନ୍ତି । ସେବାୟତ ବିଭିନ୍ନ ଦାବି ନେଇ ବାରମ୍ବାର ପ୍ରଶାସନକୁ ଜଣାଇଥିଲେ । ଶିବରାତ୍ର ପ୍ରସ୍ତୁତି ବୈଠକବେଳେ ମଧ୍ୟ ଏ ପ୍ରସଙ୍ଗ ଉଠିଥିଲା । ତେବେ ପ୍ରଶାସନିକ ଅବହେଳା ଯୋଗଁ ନୀତି ବିଳମ୍ବ ହୋଇଥିବା କହିଛନ୍ତି ସେବାୟତ ।
